aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dekhne ke liye ek shart hai manzar hona

Saleem Ahmed

dekhne ke liye ek shart hai manzar hona

Saleem Ahmed

MORE BYSaleem Ahmed

    dekhne ke liye ik shart hai manzar honā

    dūsrī shart hai phir aañkh patthar honā

    vahāñ dīvār uThā mire memāroñ ne

    ghar ke naqshe meñ muqarrar thā jahāñ dar honā

    mujh ko dekhā to falak-zād rafīqoñ ne kahā

    is sitāre muqaddar hai zamīñ par honā

    baaġh meñ ye na.ī sāzish hai ki sābit ho jaa.e

    barg-e-gul ḳhas-o-ḳhāshāk se kam-tar honā

    maiñ bhī ban jā.ūñgā phir sahar-e-havā se kashtī

    raat aa jaa.e to phir tum bhī samundar honā

    vo mirā gard mānind havā meñ uḌnā

    phir usī gard se paidā mirā lashkar honā

    dar-ba-dar Thokareñ khā.īñ to ye mālūm huā

    ghar kise kahte haiñ kyā chiiz hai be-ghar honā

    kaisā girdāb thā vo tark-e-ta.alluq terā

    kaam aayā na mire merā shanāvar honā

    tum to dushman bhī nahīñ ho ki zarūrī hai 'salīm'

    mere dushman ke liye mere barābar honā

    dekhne ke liye ek shart hai manzar hona

    dusri shart hai phir aankh ka patthar hona

    wahan diwar uTha di mere memaron ne

    ghar ke naqshe mein muqarrar tha jahan dar hona

    mujh ko dekha to falak-zad rafiqon ne kaha

    is sitare ka muqaddar hai zamin par hona

    bagh mein ye nai sazish hai ki sabit ho jae

    barg-e-gul ka KHas-o-KHashak se kam-tar hona

    main bhi ban jaunga phir sahar-e-hawa se kashti

    raat aa jae to phir tum bhi samundar hona

    wo mera gard ki manind hawa mein uDna

    phir usi gard se paida mera lashkar hona

    dar-ba-dar Thokaren khain to ye malum hua

    ghar kise kahte hain kya chiz hai be-ghar hona

    kaisa girdab tha wo tark-e-talluq tera

    kaam aaya na mere mera shanawar hona

    tum to dushman bhi nahin ho ki zaruri hai 'salim'

    mere dushman ke liye mere barabar hona

    RECITATIONS

    Nomaan Shauque

    Nomaan Shauque,

    Nomaan Shauque

    dekhne ke liye ek shart hai manzar hona Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now