aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dhanak mein sar the teri shaal ke churae hue

Afzaal Naveed

dhanak mein sar the teri shaal ke churae hue

Afzaal Naveed

MORE BYAfzaal Naveed

    dhanak meñ sar the tirī shaal ke churā.e hue

    maiñ surma.ī thā sar-e-shām gungunā.e hue

    samay lahar tire bāzuoñ meñ le aa.ī

    havā meñ bahr tirī saañs meñ samā.e hue

    tamāniyat se uThānā muhāl thā mash.al

    maiñ dekhne lagā thā us ko sar jhukā.e hue

    sahar guuñj se āvāza-e-jamāl huā

    so jāgtā rahā atrāf ko jagā.e hue

    thā baaġh baaġh shuā-e-safed se shab bhar

    gulāb-e-abyaz-e-ruḳh thā jhalak dikhā.e hue

    ḳhumār-e-qurmuzī se ātishīñ thā sāġhar-e-ḳhvāb

    bharā thā muñh tire jāmun se baada laa.e hue

    anaar phūTte the niiñd ke samundar meñ

    vo dekhtā thā mujhe phuljhaḌī lagā.e hue

    dikhā rahā thā mire pāniyoñ se shahr-e-visāl

    koī charāġh andar thā jhilmilā.e hue

    havā ke jhoñkoñ meñ kar use maiñ aayā

    rahā vo der talak jām-e-mai banā.e hue

    ye terī merī judā.ī naqsh hai bādal

    baras rahā hai ba-yak-vaqt vaañ bhī chhā.e hue

    mutābaqat se rahā tab.a ke alaav ko

    kahīñ jalā.e hue aur kahīñ bujhā.e hue

    hinā.ī haath se lag kar sajī kuchh aur 'naved'

    mirī añgūThī thā arse se vo gumā.e hue

    dhanak mein sar the teri shaal ke churae hue

    main surmai tha sar-e-sham gungunae hue

    samay ki lahar tere bazuon mein le aai

    hawa mein bahr teri sans mein samae hue

    tamaniyat se uThana muhaal tha mashal

    main dekhne laga tha us ko sar jhukae hue

    sahar ki gunj se aawaza-e-jamal hua

    so jagta raha atraf ko jagae hue

    tha bagh bagh shua-e-safed se shab bhar

    gulab-e-abyaz-e-ruKH tha jhalak dikhae hue

    KHumar-e-qurmuzi se aatishin tha saghar-e-KHwab

    bhara tha munh tere jamun se baada lae hue

    anar phuTte the nind ke samundar mein

    wo dekhta tha mujhe phuljhaDi lagae hue

    dikha raha tha mere paniyon se shahr-e-visal

    koi charagh sa andar tha jhilmilae hue

    hawa ke jhonkon mein ja kar use main pi aaya

    raha wo der talak jam-e-mai banae hue

    ye teri meri judai ka naqsh hai baadal

    baras raha hai ba-yak-waqt wan bhi chhae hue

    mutabaqat se raha taba ke alaw ko

    kahin jalae hue aur kahin bujhae hue

    hinai hath se lag kar saji kuchh aur 'nawed'

    meri anguThi tha arse se wo gumae hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now