ek ujli umang uDai thi

Afzaal Naveed

ek ujli umang uDai thi

Afzaal Naveed

MORE BYAfzaal Naveed

    ek ujlī umañg uḌaa.ī thī

    ham ne tum ne patañg uḌaa.ī thī

    shaam bārish meñ tere chehre se

    abr ne qaus-e-rañg uḌaa.ī thī

    maiñ ne bachpan ḳhushbū-e-nāzuk

    ek titlī ke sañg uḌaa.ī thī

    apnī az-rah-e-tafannun-e-taba.a

    dhajjī-e-nām-o-nañg aḌaa.ī thī

    ḳhvāb ne kis ḳhumār ḳhāshāk

    darmiyān-e-palañg uḌaa.ī thī

    koī bairūnī aañch thī jis ne

    andarūnī tarañg uḌaa.ī thī

    chhīn kar ek dūsre baqā

    ham ne taz.hīk-e-jañg uḌaa.ī thī

    ehtimām-e-dhamāl kho baiThā

    kis ne ḳhāk-e-malañg uḌaa.ī thī

    mere chāroñ taraf laboñ dhanak

    us ne lagte añg uḌaa.ī thī

    ham ne pūchhā nahīñ hamārī anā

    kis se ho kar dabañg uḌaa.ī thī

    phuljhaḌī thī ki tere kūche meñ

    taan kar talañg uḌaa.ī thī

    ḳhud se thā bair paanī meñ rah kar

    ham ne mauj-e-nahañg uḌaa.ī thī

    ek din ham ne haath phailā kar

    chādar-e-pā-e-tañg uḌaa.ī thī

    parḳhache chāroñ or bikhre the

    ik badan ne surañg uḌaa.ī thī

    pheñk kar apne dostoñ taraf

    izz-o-jāh-e-ḳhadañg uḌaa.ī thī

    zā.iqa sakā na muñh se 'naved'

    da.avat-e-shoḳh-o-shañg uḌaa.ī thī

    ek ujli umang uDai thi

    hum ne tum ne patang uDai thi

    sham barish mein tere chehre se

    abr ne qaus-e-rang uDai thi

    main ne bachpan ki KHushbu-e-nazuk

    ek titli ke sang uDai thi

    apni hi az-rah-e-tafannun-e-taba

    dhajji-e-nam-o-nang aDai thi

    KHwab ne kis KHumar ki KHashak

    darmiyan-e-palang uDai thi

    koi bairuni aanch thi jis ne

    andaruni tarang uDai thi

    chhin kar ek dusre ki baqa

    hum ne tazhik-e-jang uDai thi

    ehtimam-e-dhamal kho baiTha

    kis ne KHak-e-malang uDai thi

    mere chaaron taraf labon ki dhanak

    us ne lagte hi ang uDai thi

    hum ne puchha nahin hamari ana

    kis se ho kar dabang uDai thi

    phuljhaDi thi ki tere kuche mein

    tan ga kar talang uDai thi

    KHud se tha bair pani mein rah kar

    hum ne mauj-e-nahang uDai thi

    ek din hum ne hath phaila kar

    chadar-e-pa-e-tang uDai thi

    parKHache chaaron or bikhre the

    ek badan ne surang uDai thi

    phenk kar apne doston ki taraf

    izz-o-jah-e-KHadang uDai thi

    zaiqa ja saka na munh se 'nawed'

    dawat-e-shoKH-o-shang uDai thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY