faraKH-dast ka ye husn-e-tang-dasti hai

Ghulam Murtaza Rahi

faraKH-dast ka ye husn-e-tang-dasti hai

Ghulam Murtaza Rahi

MORE BYGhulam Murtaza Rahi

    farāḳh-dast ye husn-e-tañg-dastī hai

    jo ek buuñd mānind bahr-e-hastī hai

    vo jis ko nāpiye to Thahartī nahīñ hai kahīñ

    isī zamīn pe kul kā.enāt bastī hai

    ghaTā to jhuum ke aatī hai aa.e din lekin

    jahāñ barasnā ho kam kam vahāñ barastī hai

    zamīn kartī hai mujh ko ishāra-e-parvāz

    mirī tamām bulandī rahīn-e-pastī hai

    ab aur der na kar hashr barpā karne meñ

    mirī nazar tire dīdār ko tarastī hai

    jo gird-o-pesh se maiñ be-niyāz huuñ 'rāhī'

    isī meñ hosh hai mirā isī meñ mastī hai

    faraKH-dast ka ye husn-e-tang-dasti hai

    jo ek bund ki manind bahr-e-hasti hai

    wo jis ko napiye to Thaharti nahin hai kahin

    isi zamin pe kul kaenat basti hai

    ghaTa to jhum ke aati hai aae din lekin

    jahan barasna ho kam kam wahan barasti hai

    zamin karti hai mujh ko ishaara-e-parwaz

    meri tamam bulandi rahin-e-pasti hai

    ab aur der na kar hashr barpa karne mein

    meri nazar tere didar ko tarasti hai

    jo gird-o-pesh se main be-niyaz hun 'rahi'

    isi mein hosh hai mera isi mein masti hai

    Source :
    • Book : Kulliyat-e-Rahi (Pg. 465)
    • Author : Ghulam Murtaza Rahi
    • Publication : Educational Publishing House (2012)
    • Edition : 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY