fazaen kaif-e-bahaaran se jab mahakti hain

Arshad Siddiqui

fazaen kaif-e-bahaaran se jab mahakti hain

Arshad Siddiqui

MORE BYArshad Siddiqui

    fazā.eñ kaif-e-bahārāñ se jab mahaktī haiñ

    to dil meñ choTeñ tirī yaad kasaktī haiñ

    shafaq ke rañg bhī un javāb na sake

    kisī ke chehre pe jo surḳhiyāñ damaktī haiñ

    jinheñ tumhārā tabassum milā hai vo nazreñ

    fazā meñ nuur ke naġhme bikher saktī haiñ

    kabhī kabhī to sitāroñ ke narm saa.e meñ

    kisī ke jism parchhā.iyāñ chamaktī haiñ

    qadam qadam pe bichhātī hai jaal tīra-shabī

    nafas nafas pe na.ī bijliyāñ chamaktī haiñ

    jahāñ vo āñkheñ mirā intizār kartī thiiñ

    ab un darīchoñ se māyūsiyāñ Tapaktī haiñ

    sukūt-e-shab meñ tire intizār aalam

    ki jaise duur kahīñ pā.eleñ khanaktī haiñ

    unhīñ naam kahīñ mastī-e-bahār na ho

    kalī ke siine meñ jo nik.hateñ dhaḌaktī haiñ

    ho intizār kisī magar mirī nazreñ

    na jaane kyuuñ tirī aamad raah taktī haiñ

    jab un ke aane ummīd nahīñ 'arshad'

    to phir nigāheñ ḳhalāoñ meñ kyuuñ bhaTaktī haiñ

    fazaen kaif-e-bahaaran se jab mahakti hain

    to dil mein choTen teri yaad ki kasakti hain

    shafaq ke rang bhi un ka jawab la na sake

    kisi ke chehre pe jo surKHiyan damakti hain

    jinhen tumhaara tabassum mila hai wo nazren

    faza mein nur ke naghme bikher sakti hain

    kabhi kabhi to sitaron ke narm sae mein

    kisi ke jism ki parchhaiyan chamakti hain

    qadam qadam pe bichhati hai jal tira-shabi

    nafas nafas pe nai bijliyan chamakti hain

    jahan wo aankhen mera intizar karti thin

    ab un darichon se mayusiyan Tapakti hain

    sukut-e-shab mein tere intizar ka aalam

    ki jaise dur kahin paelen khanakti hain

    unhin ka nam kahin masti-e-bahaar na ho

    kali ke sine mein jo nikhaten dhaDakti hain

    ho intizar kisi ka magar meri nazren

    na jaane kyun teri aamad ki rah takti hain

    jab un ke aane ki ummid hi nahin 'arshad'

    to phir nigahen KHalaon mein kyun bhaTakti hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY