gham-e-mohabbat mein dil ke daghon se ru-kash-e-lala-zar hun main

Tajvar Najibabadi

gham-e-mohabbat mein dil ke daghon se ru-kash-e-lala-zar hun main

Tajvar Najibabadi

MORE BYTajvar Najibabadi

    ġham-e-mohabbat meñ dil ke dāġhoñ se rū-kash-e-lāla-zār huuñ maiñ

    fazā bahārīñ hai jis ke jalvoñ se vo harīf-e-bahār huuñ maiñ

    khaTak rahā huuñ har ik nazroñ meñ bach ke chaltī hai mujh se duniyā

    zahe girāñ-bārī-e-mohabbat ki dosh-e-hastī pe baar huuñ maiñ

    kahāñ hai vāda-e-vafā kar ke o mire bhuul jaane vaale

    mujhe bachā le ki pā.emāl-e-qayāmat-e-intizār huuñ maiñ

    tirī mohabbat meñ mere chehre se hai numāyāñ jalāl terā

    huuñ tere jalvoñ meñ mahv aisā ki terā ā.īna-dār huuñ maiñ

    vo husn-e-be-iltifāt ai 'tājvar' huā iltifāt-farmā

    to zindagī ab sunā rahī hai ki umr-e-be-etibār huuñ maiñ

    gham-e-mohabbat mein dil ke daghon se ru-kash-e-lala-zar hun main

    faza bahaarin hai jis ke jalwon se wo harif-e-bahaar hun main

    khaTak raha hun har ek ki nazron mein bach ke chalti hai mujh se duniya

    zahe giran-bari-e-mohabbat ki dosh-e-hasti pe bar hun main

    kahan hai tu wada-e-wafa kar ke o mere bhul jaane wale

    mujhe bacha le ki paemal-e-qayamat-e-intizar hun main

    teri mohabbat mein mere chehre se hai numayan jalal tera

    hun tere jalwon mein mahw aisa ki tera aaina-dar hun main

    wo husn-e-be-iltifat ai 'tajwar' hua iltifat-farma

    to zindagi ab suna rahi hai ki umr-e-be-etibar hun main

    Source :
    • Book : Karwaan-e-Ghazal (Pg. 49)
    • Author : Farooq Argali
    • Publication : Farid Book Depot (Pvt.) Ltd (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY