ghamon se yun wo farar iKHtiyar karta tha

Azhar Inayati

ghamon se yun wo farar iKHtiyar karta tha

Azhar Inayati

MORE BYAzhar Inayati

    ġhamoñ se yuuñ vo farār iḳhtiyār kartā thā

    fazā meñ uḌte parinde shumār kartā thā

    bayān kartā thā dariyā ke paar ke qisse

    ye aur baat vo dariyā na paar kartā thā

    bichhaḌ ke ek bastī meñ donoñ zinda haiñ

    maiñ us se ishq to vo mujh se pyaar kartā thā

    yūñhī thā shahr shaḳhsiyyatoñ ko ranj us se

    ki vo zideñ bhī baḌī pur-vaqār kartā thā

    kal apnī jaan ko din meñ bachā nahīñ paayā

    vo aadmī ki jo aahaT pe vaar kartā thā

    vo jis ke sehn meñ koī gulāb khil na sakā

    tamām shahr ke bachchoñ se pyaar kartā thā

    sadāqateñ thiiñ mirī bandagī meñ jab 'az.har'

    hifāzateñ mirī parvardigār kartā thā

    ghamon se yun wo farar iKHtiyar karta tha

    faza mein uDte parinde shumar karta tha

    bayan karta tha dariya ke par ke qisse

    ye aur baat wo dariya na par karta tha

    bichhaD ke ek hi basti mein donon zinda hain

    main us se ishq to wo mujh se pyar karta tha

    yunhi tha shahr ki shaKHsiyyaton ko ranj us se

    ki wo ziden bhi baDi pur-waqar karta tha

    kal apni jaan ko din mein bacha nahin paya

    wo aadmi ki jo aahaT pe war karta tha

    wo jis ke sehn mein koi gulab khil na saka

    tamam shahr ke bachchon se pyar karta tha

    sadaqaten thin meri bandagi mein jab 'azhar'

    hifazaten meri parwardigar karta tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY