garche main ban ke hawa tez bahut tez uDa

garche maiñ ban ke havā tez bahut tez uḌā

vo bagūlā thā magar mere ta.āqub meñ rahā

mujh se kitnoñ ko usī din kī shikāyat hogī

ek maiñ hī nahīñ jis par ye kaḌā vaqt paḌā

aur tārīk mirī rāhguzar ko kar de

tū magar apnī tamannā ke sitāre na bujhā

ab to har vaqt vahī itnā rulātā hai mujhe

jis ko jaate hue maiñ dekh ke ro bhī na sakā

tum se chāhā thā bahut tark-e-ta.alluq kar luuñ

jaane kyuuñ mujh se mirī jaañ kabhī aisā na huā

umr bhar yaad rahā apnī vafāoñ kī tarah

ek vo ahd jise aap ne puurā na kiyā

koī sūraj to mile koī sahārā to bane

chāñd kā haath mire haath se phir chhūT gayā

garche main ban ke hawa tez bahut tez uDa

wo bagula tha magar mere taaqub mein raha

mujh se kitnon ko usi din ki shikayat hogi

ek main hi nahin jis par ye kaDa waqt paDa

aur tarik meri rahguzar ko kar de

tu magar apni tamanna ke sitare na bujha

ab to har waqt wahi itna rulata hai mujhe

jis ko jate hue main dekh ke ro bhi na saka

tum se chaha tha bahut tark-e-talluq kar lun

jaane kyun mujh se meri jaan kabhi aisa na hua

umr bhar yaad raha apni wafaon ki tarah

ek wo ahd jise aap ne pura na kiya

koi suraj to mile koi sahaara to bane

chand ka hath mere hath se phir chhuT gaya