gila ai dil abhi se karta hai

Mohammad Ali Jauhar

gila ai dil abhi se karta hai

Mohammad Ali Jauhar

MORE BY Mohammad Ali Jauhar

    gila ai dil abhī se kartā hai

    ishq dam usī pe bhartā hai

    jaan detā hai aish-e-fānī par

    bas isī zindagī pe martā hai

    rāhat-e-jāvedāñ ko bhuul gayā

    koī duniyā meñ ye bhī kartā hai

    ishq ban kar jiye to ḳhaak jiye

    zinda vo hai jo un pe martā hai

    naam par us ke sab jo de baiThā

    vahī ik hai jo naam kartā hai

    vaqf momin hai āzmāish-e-ishq

    is meñ puurā vahī utartā hai

    jis ko duniyā ne nā-murād kiyā

    vahī nākām kaam kartā hai

    hai musalmāñ bas yahī pahchān

    ki faqat ik ḳhudā se Dartā hai

    qaul-e-momin hai us ke fel sharh

    vo jo kahtā hai kar guzartā hai

    mutma.in rah dilā vo jān-e-jahāñ

    vaada kar ke kahīñ mukartā hai

    mere rañg-e-kafan shoḳhī dekh

    yuuñ āshiq tirā sañvartā hai

    aaj kar lo jo kar sako kal tak

    kaun jiitā hai kaun martā hai

    qulzum-e-ishq meñ girā so girā

    us Duubā kahīñ ubhartā hai

    is qadar ehtiyāt ai sayyād

    ki qafas meñ bhī par katartā hai

    vahī din hai hamārī iid din

    jo tirī yaad meñ guzartā hai

    mai-e-islām bhalā 'jauhar'

    nashsha chaḌh kar kahīñ utartā hai

    gila ai dil abhi se karta hai

    ishq ka dam usi pe bharta hai

    jaan deta hai aish-e-fani par

    bas isi zindagi pe marta hai

    rahat-e-jawedan ko bhul gaya

    koi duniya mein ye bhi karta hai

    ishq ban kar jiye to KHak jiye

    zinda wo hai jo un pe marta hai

    nam par us ke sab jo de baiTha

    wahi ek hai jo nam karta hai

    waqf momin hai aazmaish-e-ishq

    is mein pura wahi utarta hai

    jis ko duniya ne na-murad kiya

    wahi nakaam kaam karta hai

    hai musalman ki bas yahi pahchan

    ki faqat ek KHuda se Darta hai

    qaul-e-momin hai us ke fel ki sharh

    wo jo kahta hai kar guzarta hai

    mutmain rah dila wo jaan-e-jahan

    wada kar ke kahin mukarta hai

    mere rang-e-kafan ki shoKHi dekh

    yun hi aashiq tera sanwarta hai

    aaj kar lo jo kar sako kal tak

    kaun jita hai kaun marta hai

    qulzum-e-ishq mein gira so gira

    us ka Duba kahin ubharta hai

    is qadar ehtiyat ai sayyaad

    ki qafas mein bhi par katarta hai

    wahi din hai hamari id ka din

    jo teri yaad mein guzarta hai

    mai-e-islam ka bhala 'jauhar'

    nashsha chaDh kar kahin utarta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY