girne ki tarah ka na sambhalne ki tarah ka

girne kī tarah kā na sambhalne kī tarah kā

saarā vo safar ḳhvāb meñ chalne kī tarah kā

bārish kī bahut tez havā meñ kahīñ mujh ko

darpesh thā ik marhala jalne kī tarah kā

ik chāñd ubharne kī tarah kā mire bāhar

sūraj mire andar koī Dhalne kī tarah kā

aisā hai ki rahtā hai sadā saath bhī us ke

manzar koī poshāk badalne kī tarah kā

uḌtī huī sī ret vahī dasht meñ har-sū

paanī vahī dariyā meñ uchhalne kī tarah kā

kaisī ye ḳhizāñ chhā.ī hai mujh meñ ki sarāsar

mausam hai vahī phūlne phalne kī tarah kā

kyā dil kā bharosā hai ki is aab o havā meñ

vaise hī ye paudā nahīñ palne kī tarah kā

mālūm bhī thā mujh ko magar bhuul chukā huuñ

rasta koī jañgal se nikalne kī tarah kā

maiñ to yahī samjhā 'zafar' is baar bhī shāyad

mujh par ye burā vaqt hai Talne kī tarah kā

girne ki tarah ka na sambhalne ki tarah ka

sara wo safar KHwab mein chalne ki tarah ka

barish ki bahut tez hawa mein kahin mujh ko

darpesh tha ek marhala jalne ki tarah ka

ek chand ubharne ki tarah ka mere bahar

suraj mere andar koi Dhalne ki tarah ka

aisa hai ki rahta hai sada sath bhi us ke

manzar koi poshak badalne ki tarah ka

uDti hui si ret wahi dasht mein har-su

pani wahi dariya mein uchhalne ki tarah ka

kaisi ye KHizan chhai hai mujh mein ki sarasar

mausam hai wahi phulne phalne ki tarah ka

kya dil ka bharosa hai ki is aab o hawa mein

waise hi ye pauda nahin palne ki tarah ka

malum bhi tha mujh ko magar bhul chuka hun

rasta koi jangal se nikalne ki tarah ka

main to yahi samjha 'zafar' is bar bhi shayad

mujh par ye bura waqt hai Talne ki tarah ka