haath rakhte hī thā hāl-e-qalb-e-muztar ā.īna
dast-e-nāzuk hai hasīnoñ kā muqarrar ā.īna
ban gayā ġhammāz shakl un kī dikhā kar ā.īna
jo hamārā rāz-e-dil thā ab hai un par ā.īna
toḌ kar dil tum ne khoyā imtiyāz-e-husn bhī
ik tumhāre paas thā yā ab hai ghar ghar ā.īna
dekhnā hai kis meñ achchhī shakl aatī hai nazar
us ne rakkhā hai mire dil ke barābar ā.īna
aa.ina rakkho lo ki duunā lutf aa.e vaqt-e-rañj
is taraf tum us taraf khīñche ho ḳhanjar ā.īna
'aks se apne kisī ke garm-joshī qahr thī
rah gayā āḳhir pasīne meñ nahā kar ā.īna
shauq-e-ḳhud-bīnī sitam nīñdeñ javānī kī ġhazab
be-ḳhabar sote haiñ vo rakkhā hai muñh par ā.īna
shoḳhiyoñ se ban gayā bijlī kisī kā 'aks bhī
ab to hāthoñ se nikaltā hai taḌap kar ā.īna
yuuñ kahāñ mumkin thā husn-e-ḳhās kā dīdār-e-ām
ban ga.ī āḳhir sarāpā sub.h-e-mahshar ā.īna
dekh leñ shāyad 'nazar' vo dīda-e-insāf se
le chalo TuuTe hue dil kā banā kar ā.īna
hath rakhte hi tha haal-e-qalb-e-muztar aaina
dast-e-nazuk hai hasinon ka muqarrar aaina
ban gaya ghammaz shakl un ki dikha kar aaina
jo hamara raaz-e-dil tha ab hai un par aaina
toD kar dil tum ne khoya imtiyaz-e-husn bhi
ek tumhaare pas tha ya ab hai ghar ghar aaina
dekhna hai kis mein achchhi shakl aati hai nazar
us ne rakkha hai mere dil ke barabar aaina
aaina rakkho lo ki duna lutf aae waqt-e-ranj
is taraf tum us taraf khinche ho KHanjar aaina
'aks se apne kisi ke garm-joshi qahr thi
rah gaya aaKHir pasine mein naha kar aaina
shauq-e-KHud-bini sitam ninden jawani ki ghazab
be-KHabar sote hain wo rakkha hai munh par aaina
shoKHiyon se ban gaya bijli kisi ka 'aks bhi
ab to hathon se nikalta hai taDap kar aaina
yun kahan mumkin tha husn-e-KHas ka didar-e-am
ban gai aaKHir sarapa subh-e-mahshar aaina
dekh len shayad 'nazar' wo dida-e-insaf se
le chalo TuTe hue dil ka bana kar aaina
Source:
Deewan-e-Sharf Mujaddidi (Pg. ebook-30 page-8)
-
Author:
Abdul Qadir Mujaddidi
-
- Edition: 1937
- Publisher: Raees-ul-Matabe, Kanpur
- Year of Publication: 1937
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.