hum mar gae pa shikwe ki munh par na aai baat

Raza Azimabadi

hum mar gae pa shikwe ki munh par na aai baat

Raza Azimabadi

MORE BYRaza Azimabadi

    ham mar ga.e pa shikve muñh par na aa.ī baat

    kyuuñ be-zabān āshiqoñ āzmā.ī baat

    dāvā-e-ishq karne kyā muñh kisī thā

    kam bolne ne tere ye saarī baḌhā.ī baat

    ham-peshgī mujh se kare guftugū raqīb

    muñh us dekho hai ye tumhārī sikhā.ī baat

    sab kuchh paḌhāyā ham ko murdarris ne ishq ke

    miltā hai jis se yaar na aisī paḌhā.ī baat

    apnā kise kahūñ na kahūñ kis ko hai ġhazab

    jis vaqt muñh se niklī huī phir parā.ī baat

    kyā ġhair ne kahā ki lage budbudāne tum

    maiñ ne bhī chheḌne na.ī ab to paa.ī baat

    mazkūra kal jaane do ho jāoge ḳhafā

    thamtī nahīñ zabān pe jis vaqt aa.ī baat

    majnūñ ke naam se mirā haal us ne tab sunā

    shukr-e-ḳhudā ki ḳhuub ban aa.ī banā.ī baat

    bulbul naala aage mire is tarah se hai

    jis tarah shahriyoñ se kare rūstā.ī baat

    taqrīr-e-sāf par jo 'razā' kare nazar

    andhe ke ta.iiñ ajab nahīñ deve dikhā.ī baat

    hum mar gae pa shikwe ki munh par na aai baat

    kyun be-zaban aashiqon ki aazmai baat

    dawa-e-ishq karne ka kya munh kisi ka tha

    kam bolne ne tere ye sari baDhai baat

    ham-peshgi ki mujh se kare guftugu raqib

    munh us ka dekho hai ye tumhaari sikhai baat

    sab kuchh paDhaya hum ko murdarris ne ishq ke

    milta hai jis se yar na aisi paDhai baat

    apna kise kahun na kahun kis ko hai ghazab

    jis waqt munh se nikli hui phir parai baat

    kya ghair ne kaha ki lage budbudane tum

    main ne bhi chheDne ki nai ab to pai baat

    mazkura kal ka jaane do ho jaoge KHafa

    thamti nahin zaban pe jis waqt aai baat

    majnun ke nam se mera haal us ne tab suna

    shukr-e-KHuda ki KHub ban aai banai baat

    bulbul ka nala aage mere is tarah se hai

    jis tarah shahriyon se kare rustai baat

    taqrir-e-saf par jo 'raza' ki kare nazar

    andhe ke tain ajab nahin dewe dikhai baat

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY