hum raaz-e-giraftari-e-dil jaan gae hain

Sajjad Baqar Rizvi

hum raaz-e-giraftari-e-dil jaan gae hain

Sajjad Baqar Rizvi

MORE BYSajjad Baqar Rizvi

    ham rāz-e-giraftāri-e-dil jaan ga.e haiñ

    phir bhī tirī āñkhoñ kahā maan ga.e haiñ

    shola-e-jāñ nik.hat-e-ġham saut-e-talab hai

    ham jān-e-tamannā tujhe pahchān ga.e haiñ

    kyā kyā na tire shauq meñ TuuTe haiñ yahāñ kufr

    kyā kyā na tirī raah meñ īmān ga.e haiñ

    is raqs meñ shole ke koī sehr to hogā

    parvāne baḌī aan se qurbān ga.e haiñ

    khīñche hai mujhe dast-e-junūñ dasht-e-talab meñ

    dāman jo bachā.e haiñ garebān ga.e haiñ

    'bāqar' hai isī gard-e-rah-e-dil parastār

    jis raah se kuchh sāhab-e-dīvān ga.e haiñ

    hum raaz-e-giraftari-e-dil jaan gae hain

    phir bhi teri aankhon ka kaha man gae hain

    tu shola-e-jaan nikhat-e-gham saut-e-talab hai

    hum jaan-e-tamanna tujhe pahchan gae hain

    kya kya na tere shauq mein TuTe hain yahan kufr

    kya kya na teri rah mein iman gae hain

    is raqs mein shole ke koi sehr to hoga

    parwane baDi aan se qurban gae hain

    khinche hai mujhe dast-e-junun dasht-e-talab mein

    daman jo bachae hain gareban gae hain

    'baqar' hai isi gard-e-rah-e-dil ka parastar

    jis rah se kuchh sahab-e-diwan gae hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY