hum sab ko batate rahte hain ye baat purani kaam ki hai
hum sab ko batate rahte hain ye baat purani kaam ki hai
Anjum Barabankvi
MORE BYAnjum Barabankvi
ham sab ko batāte rahte haiñ ye baat purānī kaam kī hai
das biis gharoñ meñ charche hoñ tab jā ke javānī kaam kī hai
ye vaqt abhī tham jā.egā māhaul meñ dil ram jā.egā
bas aap yūñhī baiThe rahiye ye raat suhānī kaam kī hai
āsān bhī hai dushvār bhī hai dukh-sukh kā baḌā bāzār bhī hai
mālūm nahīñ to mujh se suno ye duniyā divānī kaam kī hai
mash.hūr bhī haiñ badnām bhī haiñ ḳhushiyoñ ke na.e paiġhām bhī haiñ
kuchh ġham ke baḌe in.aam bhī haiñ paḌhiye to kahānī kaam kī hai
jo log chale haiñ ruk ruk kar hamvār zamīñ par jhuk jhuk kar
vo kaise batā.eñge tum ko dariyā kī ravānī kaam kī hai
hum sab ko batate rahte hain ye baat purani kaam ki hai
das bis gharon mein charche hon tab ja ke jawani kaam ki hai
ye waqt abhi tham jaega mahaul mein dil ram jaega
bas aap yunhi baiThe rahiye ye raat suhani kaam ki hai
aasan bhi hai dushwar bhi hai dukh-sukh ka baDa bazar bhi hai
malum nahin to mujh se suno ye duniya diwani kaam ki hai
mashhur bhi hain badnam bhi hain KHushiyon ke nae paigham bhi hain
kuchh gham ke baDe inam bhi hain paDhiye to kahani kaam ki hai
jo log chale hain ruk ruk kar hamwar zamin par jhuk jhuk kar
wo kaise bataenge tum ko dariya ki rawani kaam ki hai
Source:
Khamoshiyaon Ka Nagma (Pg. 47)
- Author: Dr. Anjum Barabankvi
-
- Edition: 2015
- Publisher: Educational Publishing House
- Year of Publication: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
