hamesha kisi imtihan mein raha
hamesha kisī imtihāñ meñ rahā
rahā bhī to kyā is jahāñ meñ rahā
na maiñ duur tak saath us ke gayā
na vo der tak ham-rahāñ meñ rahā
vo dariyā pe mujh ko bulātā rahā
magar maiñ saf-e-tishnagāñ meñ rahā
maiñ bujhne lagā to bahut der tak
ujālā charāg-e-ziyāñ meñ rahā
qafas yaad aayā parinde ko phir
bahut roz tak āshiyāñ meñ rahā
rahī der tak maut se guftugū
maiñ jab halqa-e-raftagāñ meñ rahā
na gul koī dil ke shajar par khilā
na koī samar shāḳh-e-jāñ meñ rahā
ye ḳhāna hamesha se vīrān hai
kahāñ koī dil ke makāñ meñ rahā
hamesha kisi imtihan mein raha
raha bhi to kya is jahan mein raha
na main dur tak sath us ke gaya
na wo der tak ham-rahan mein raha
wo dariya pe mujh ko bulata raha
magar main saf-e-tishnagan mein raha
main bujhne laga to bahut der tak
ujala charag-e-ziyan mein raha
qafas yaad aaya parinde ko phir
bahut roz tak aashiyan mein raha
rahi der tak maut se guftugu
main jab halqa-e-raftagan mein raha
na gul koi dil ke shajar par khila
na koi samar shaKH-e-jaan mein raha
ye KHana hamesha se viran hai
kahan koi dil ke makan mein raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
