haq fath-yab mere KHuda kyun nahin hua

Irfan Siddiqi

haq fath-yab mere KHuda kyun nahin hua

Irfan Siddiqi

MORE BYIrfan Siddiqi

    INTERESTING FACT

    written in the backdrop of Gujrat carnage

    haq fat.h-yāb mere ḳhudā kyuuñ nahīñ huā

    ne kahā thā terā kahā kyuuñ nahīñ huā

    jab hashr isī zamīñ pe uThā.e ga.e to phir

    barpā yahīñ pe roz-e-jazā kyuuñ nahīñ huā

    vo sham.a bujh ga.ī thī to kohrām thā tamām

    dil bujh ga.e to shor-e-azā kyuuñ nahīñ huā

    vāmāñdgāñ pe tañg huī kyuuñ tirī zamīñ

    darvāza āsmān kyuuñ nahīñ huā

    vo sho.ala-sāz bhī isī bastī ke log the

    un galī meñ raqs-e-havā kyuuñ nahīñ huā

    āḳhir isī ḳharābe meñ zinda haiñ aur sab

    yuuñ ḳhaak koī mere sivā kyuuñ nahīñ huā

    kyā jazb-e-ishq mujh se ziyāda thā ġhair meñ

    us habīb us se judā kyuuñ nahīñ huā

    jab vo bhī the gulū-e-burīda se nāla-zan

    phir kushtagāñ harf rasā kyuuñ nahīñ huā

    kartā rahā maiñ tere liye dostoñ se jañg

    mere dushmanoñ se ḳhafā kyuuñ nahīñ huā

    jo kuchh huā vo kaise huā jāntā huuñ maiñ

    jo kuchh nahīñ huā vo batā kyuuñ nahīñ huā

    haq fath-yab mere KHuda kyun nahin hua

    tu ne kaha tha tera kaha kyun nahin hua

    jab hashr isi zamin pe uThae gae to phir

    barpa yahin pe roz-e-jaza kyun nahin hua

    wo shama bujh gai thi to kohram tha tamam

    dil bujh gae to shor-e-aza kyun nahin hua

    wamandgan pe tang hui kyun teri zamin

    darwaza aasman ka wa kyun nahin hua

    wo shoala-saz bhi isi basti ke log the

    un ki gali mein raqs-e-hawa kyun nahin hua

    aaKHir isi KHarabe mein zinda hain aur sab

    yun KHak koi mere siwa kyun nahin hua

    kya jazb-e-ishq mujh se ziyaada tha ghair mein

    us ka habib us se juda kyun nahin hua

    jab wo bhi the gulu-e-burida se nala-zan

    phir kushtagan ka harf rasa kyun nahin hua

    karta raha main tere liye doston se jang

    tu mere dushmanon se KHafa kyun nahin hua

    jo kuchh hua wo kaise hua jaanta hun main

    jo kuchh nahin hua wo bata kyun nahin hua

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY