har haqīqat ko gumāñ tak sochūñ
maiñ bahāroñ ko ḳhizāñ tak sochūñ
guftugū talḳh haqā.eq se bhī ho
ḳhvāb hī ḳhvāb kahāñ tak sochūñ
har qadam ek muamma ban jaa.e
zindagī tujh ko jahāñ tak sochūñ
soch ban jaatī hai girdāb-e-balā
ek hī baat kahāñ tak sochūñ
hadd-e-parvāz mirī itnī hai
lā-makāñ ko bhī makāñ tak sochūñ
dastaras kis kī mudāvā kaisā
dard ko sirf fuġhāñ tak sochūñ
nāpūñ jazboñ ko bhī paimānoñ se
ashk ko āb-e-ravāñ tak sochūñ
tū nahīñ paas tirī yaad to hai
tū hī to sūjhe jahāñ tak sochūñ
har haqiqat ko guman tak sochun
main bahaaron ko KHizan tak sochun
guftugu talKH haqaeq se bhi ho
KHwab hi KHwab kahan tak sochun
har qadam ek muamma ban jae
zindagi tujh ko jahan tak sochun
soch ban jati hai girdab-e-bala
ek hi baat kahan tak sochun
hadd-e-parwaz meri itni hai
la-makan ko bhi makan tak sochun
dastaras kis ki mudawa kaisa
dard ko sirf fughan tak sochun
napun jazbon ko bhi paimanon se
ashk ko aab-e-rawan tak sochun
tu nahin pas teri yaad to hai
tu hi to sujhe jahan tak sochun
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
