har mauj-e-hawadis rakhti hai sine mein bhanwar kuchh pinhan bhi

Quaiser Khalid

har mauj-e-hawadis rakhti hai sine mein bhanwar kuchh pinhan bhi

Quaiser Khalid

MORE BYQuaiser Khalid

    har mauj-e-havādis rakhtī hai siine meñ bhañvar kuchh pinhāñ bhī

    rahte haiñ muqābil akasr ishkāl bhī dil meñ īmāñ bhī

    shahroñ chamak ne ā.ankhoñ ko dikhlā.e vo manzar jin ke liye

    qadroñ taġhayyur kyā kahiye chhoḌ aa.e zamīneñ dahqāñ bhī

    har samt laraztī chīḳheñ haiñ jalte hue ġhunchoñ, kaliyoñ

    pūchhe hai zamīn-e-gul ham se kyā kuchh hai ilāj-e-vīrāñ bhī

    taḳhlīq-e-ajā.ib laakh huī fil-asr ye uqda apnī jagah

    ik harf-e-vafā qāmat par ye ahd rahā hai hairāñ bhī

    thī soch ye manafī, lagne lagī musbat bhī jo na.ara ban ke yahāñ

    āzādī-e-nisvāñ kah kah kar aurat ko kiyā hai uryāñ bhī

    is shahar-e-kasāfat meñ aa kar ojhal hue ā.ankhoñ se manzar

    vo gaañv sabza vo bahr-o-bar vo dhuup vo barq-o-bārāñ bhī

    ik ishq meñ likh likh kar kaaTā har lafz kitāb-e-hastī

    kar Daalā usī ne zer-o-zabar jo kaam lage thā āsāñ bhī

    gardish meñ zamāna hai har pal ummīd pe duniyā hai qaa.em

    kal jin se the sahme sahme se ham, haiñ aaj vo larzāñ larzāñ bhī

    asrār-e-zamāna ban ban kar aate haiñ yahāñ din raat magar

    fitrat ke masā.ib se ab tak haarā hai kahāñ ye insāñ bhī

    ho paa.e kisī ke ham bhī kahāñ yuuñ koī hamārā bhī na huā

    kab Thahrī kisī ik par bhī nazar kyā chiiz hai shahr-e-ḳhūbāñ bhī

    insāñ samajhnā hai bāqī, anjām ko pahuñche hai duniyā

    ban jaa.e farishta jab chāhe ho jaa.e ye akasr haivāñ bhī

    Dartā hai dil-e-kam-fahm yahāñ kyā jāniye kyā ho bastī

    rahte haiñ ab ahl-e-ulfat ke ham-rāh ye nafrat-sāzāñ bhī

    aajiz hai ye insāñ apnī sunā.ī pe jab jab ġhaur kare

    hai farq numāyāñ har ik meñ phir bhī hai sabhī kuchh yaksāñ bhī

    isbāt-e-tafakkur rakhtā hai ham tum meñ tavāzun bhī lekin

    rishtoñ par paḌī jab barf-anā kaam aa.e na ahd-o-paimāñ bhī

    me.ār-e-adab bhī Thahre sadā ho ahl-e-jahāñ ke lab par bhī

    taḳhlīq ġhazal kar aisī ik ho shaad ki jis par yazdāñ bhī

    mohtāt banāyā hogā unheñ hālāt ne apne ghar ke

    ab apne ghar meñ rahte haiñ 'ḳhālid' jo ba-shakl-e-mehmāñ bhī

    har mauj-e-hawadis rakhti hai sine mein bhanwar kuchh pinhan bhi

    rahte hain muqabil hi akasr ishkal bhi dil mein iman bhi

    shahron ki chamak ne aaankhon ko dikhlae wo manzar jin ke liye

    qadron ka taghayyur kya kahiye chhoD aae zaminen dahqan bhi

    har samt larazti chiKHen hain jalte hue ghunchon, kaliyon ki

    puchhe hai zamin-e-gul hum se kya kuchh hai ilaj-e-viran bhi

    taKHliq-e-ajaib lakh hui fil-asr ye uqda apni jagah

    ek harf-e-wafa ki qamat par ye ahd raha hai hairan bhi

    thi soch ye manafi, lagne lagi musbat bhi jo nara ban ke yahan

    aazadi-e-niswan kah kah kar aurat ko kiya hai uryan bhi

    is shahar-e-kasafat mein aa kar ojhal hue aaankhon se manzar

    wo ganw ka sabza wo bahr-o-bar wo dhup wo barq-o-baran bhi

    ek ishq mein likh likh kar kaTa har lafz kitab-e-hasti ka

    kar Dala usi ne zer-o-zabar jo kaam lage tha aasan bhi

    gardish mein zamana hai har pal ummid pe duniya hai qaem

    kal jin se the sahme sahme se ham, hain aaj wo larzan larzan bhi

    asrar-e-zamana ban ban kar aate hain yahan din raat magar

    fitrat ke masaib se ab tak haara hai kahan ye insan bhi

    ho pae kisi ke hum bhi kahan yun koi hamara bhi na hua

    kab Thahri kisi ek par bhi nazar kya chiz hai shahr-e-KHuban bhi

    insan ka samajhna hai baqi, anjam ko pahunche hai duniya

    ban jae farishta jab chahe ho jae ye akasr haiwan bhi

    Darta hai dil-e-kam-fahm yahan kya jaaniye kya ho basti ka

    rahte hain ab ahl-e-ulfat ke ham-rah ye nafrat-sazan bhi

    aajiz hai ye insan apni hi sunai pe jab jab ghaur kare

    hai farq numayan har ek mein phir bhi hai sabhi kuchh yaksan bhi

    isbaat-e-tafakkur rakhta hai hum tum mein tawazun bhi lekin

    rishton par paDi jab barf-ana kaam aae na ahd-o-paiman bhi

    mear-e-adab bhi Thahre sada ho ahl-e-jahan ke lab par bhi

    taKHliq ghazal kar aisi ek ho shad ki jis par yazdan bhi

    mohtat banaya hoga unhen haalat ne apne ghar ke hi

    ab apne hi ghar mein rahte hain 'KHalid' jo ba-shakl-e-mehman bhi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now