hawa-e-wadi-e-dushwar se nahin rukta

Zafar Iqbal

hawa-e-wadi-e-dushwar se nahin rukta

Zafar Iqbal

MORE BY Zafar Iqbal

    havā-e-vādi-e-dushvār se nahīñ ruktā

    musāfir ab tire inkār se nahīñ ruktā

    safīna chal jo paḌā hai chaḌhāo par to kabhī

    muḳhālif aatī huī dhaar se nahīñ ruktā

    mirā ḳhayāl hai tadbīr koī aur kar

    hujūm ab tirī talvār se nahīñ ruktā

    Thaharnā chāhe to Thahre aap varna

    hamārī koshish-e-bisyār se nahīñ ruktā

    ab is ke saath bah jā.iye ki ye sailāb

    ḳhas-o-ḳhumār ke ambār se nahīñ ruktā

    ravāñ jo hai safar-e-manzil-e-sadā har-chand

    ye qāfila mire me.aar se nahīñ ruktā

    ye aise log haiñ aadat paḌī huī hai jinheñ

    ye maal sardī-e-bāzār se nahīñ ruktā

    musāfirat meñ jo haare na hausla raahī

    to lutf-e-sāya-e-ashjār se nahīñ ruktā

    hamārā ishq ravāñ hai rukāvaToñ meñ 'zafar'

    ye ḳhvāb hai kisī dīvār se nahīñ ruktā

    hawa-e-wadi-e-dushwar se nahin rukta

    musafir ab tere inkar se nahin rukta

    safina chal jo paDa hai chaDhao par to kabhi

    muKHalif aati hui dhaar se nahin rukta

    mera KHayal hai tadbir koi aur hi kar

    hujum ab teri talwar se nahin rukta

    Thaharna chahe to Thahre ga aap hi warna

    hamari koshish-e-bisyar se nahin rukta

    ab is ke sath hi bah jaiye ki ye sailab

    KHas-o-KHumar ke ambar se nahin rukta

    rawan jo hai safar-e-manzil-e-sada har-chand

    ye qafila mere mear se nahin rukta

    ye aise log hain aadat paDi hui hai jinhen

    ye mal sardi-e-bazar se nahin rukta

    musafirat mein jo haare na hausla rahi

    to lutf-e-saya-e-ashjar se nahin rukta

    hamara ishq rawan hai rukawaTon mein 'zafar'

    ye KHwab hai kisi diwar se nahin rukta

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites