haya bhi aankh mein waraftagi bhi
hayā bhī aañkh meñ vāraftagī bhī
badan meñ pyaas lab par ḳhāmushī bhī
darīche band hoñ achchhā hai lekin
zarūrī hai havā bhī raushnī bhī
maiñ vāqif huuñ tirī chup-goiyoñ se
samajh letā huuñ terī an-kahī bhī
pahan leñ lams kī āñcheñ kisī din
pighal jaa.e ye hadd-e-āḳhirī bhī
kiyā kartī hai sajde mujh ko Thokar
muqaddas hai mirī āvārgī bhī
tumheñ kho kar bhī tum ko pā chukā huuñ
mirā hāsil mirī lā-hāsilī bhī
yahī ik moḌ tak aanā bichhaḌnā
yahī qismat tumhārī bhī mirī bhī
haya bhi aankh mein waraftagi bhi
badan mein pyas lab par KHamushi bhi
dariche band hon achchha hai lekin
zaruri hai hawa bhi raushni bhi
main waqif hun teri chup-goiyon se
samajh leta hun teri an-kahi bhi
pahan len lams ki aanchen kisi din
pighal jae ye hadd-e-aKHiri bhi
kiya karti hai sajde mujh ko Thokar
muqaddas hai meri aawargi bhi
tumhein kho kar bhi tum ko pa chuka hun
mera hasil meri la-hasili bhi
yahi ek moD tak aana bichhaDna
yahi qismat tumhaari bhi meri bhi
Source:
Rooh-e-Ghazal,Pachas Sala Intekhab (Pg. 659)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
