ho koi masala apna dua par chhoD dete hain

Sabir Raza

ho koi masala apna dua par chhoD dete hain

Sabir Raza

MORE BYSabir Raza

    ho koī mas.ala apnā duā par chhoḌ dete haiñ

    use ḳhud hal nahīñ karne ḳhudā par chhoḌ dete haiñ

    tumhārī yaad ke bādal baraste haiñ kahāñ āḳhir

    chalo ye silsila kaalī ghaTā par chhoḌ dete haiñ

    use sar par biThā.e dar-ba-dar phirte raheñ kab tak

    ghuTan bojh ham dosh-e-havā par chhoḌ dete haiñ

    na tum mānoge sachchā.ī na ham se jhuuT sambhlegā

    haqīqat kyā hai ham ahl-e-safā par chhoḌ dete haiñ

    khileñge zaḳhm siine meñ ki jazboñ numū hogī

    jo kal hogā use kal adā par chhoḌ dete haiñ

    ta.alluq tum se jo bhī hai nahīñ ma.alūm kal kyā ho

    chalo ye faisla apnā ḳhudā par chhoḌ dete haiñ

    ho koi masala apna dua par chhoD dete hain

    use KHud hal nahin karne KHuda par chhoD dete hain

    tumhaari yaad ke baadal baraste hain kahan aaKHir

    chalo ye silsila kali ghaTa par chhoD dete hain

    use sar par biThae dar-ba-dar phirte rahen kab tak

    ghuTan ka bojh hum dosh-e-hawa par chhoD dete hain

    na tum manoge sachchai na hum se jhuT sambhlega

    haqiqat kya hai hum ahl-e-safa par chhoD dete hain

    khilenge zaKHm sine mein ki jazbon ki numu hogi

    jo kal hoga use kal ki ada par chhoD dete hain

    talluq tum se jo bhi hai nahin malum kal kya ho

    chalo ye faisla apna KHuda par chhoD dete hain

    Source :
    • Book : Ghazal Calendar-2015 (Pg. 12.08.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY