howe wo shoKH-chashm agar mujhse chaar chashm
howe wo shoKH-chashm agar mujhse chaar chashm
Shaikh Zahuruddin Hatim
MORE BYShaikh Zahuruddin Hatim
hove vo shoḳh-chashm agar mujh se chaar chashm
qurbāñ karūñ maiñ chashm par us ke hazār chashm
muddat huī palak se palak āshnā nahīñ
kyā is se ab ziyāda kare intizār chashm
jis rañg se ho abr safed o siyāh o surḳh
is tarah kar rahe haiñ tumhāre bahār chashm
sote se naam sun ke mirā yaar jaag uThā
baḳhtoñ ke khul ga.e mire be-iḳhtiyār chashm
jaage ho raat yā ye nashe kā utaar hai
jo sub.h kar rahe haiñ tumhāre ḳhumār chashm
zālim ḳhudā ke vāste 'hātim' ko muñh dikhā
muddat se dekhne ke haiñ ummīd-vār chashm
howe wo shoKH-chashm agar mujh se chaar chashm
qurban karun main chashm par us ke hazar chashm
muddat hui palak se palak aashna nahin
kya is se ab ziyaada kare intizar chashm
jis rang se ho abr safed o siyah o surKH
is tarah kar rahe hain tumhaare bahaar chashm
sote se nam sun ke mera yar jag uTha
baKHton ke khul gae mere be-iKHtiyar chashm
jage ho raat ya ye nashe ka utar hai
jo subh kar rahe hain tumhaare KHumar chashm
zalim KHuda ke waste 'hatim' ko munh dikha
muddat se dekhne ke hain ummid-war chashm
Source:
Diwan Zadah (Pg. 220)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
