ibtida mujh mein intiha mujh mein

ibtidā mujh meñ intihā mujh meñ

ik mukammal hai vāqi.a mujh meñ

bhuul baiThā maiñ paikar-e-ḳhākī

jab se rahtā hai ik ḳhudā mujh meñ

maiñ ne miTTī se ḳhud ko bāñdh liyā

jab bharī vaqt ne havā mujh meñ

mere chāroñ taraf hai sannāTā

aisī gūñjī hai ik sadā mujh meñ

maiñ ne ashkoñ pe band kyā bāñdhā

ek sailāb aa gayā mujh meñ

merī tanhā.iyoñ meñ aane lagā

DhūñD kar rāsta nayā mujh meñ

maiñ ne us kī kabhī nahīñ maanī

jo sadā boltā rahā mujh meñ

Thahr jaatā hai har parinda yahāñ

ek jañgal hai yuuñ basā mujh meñ

tū bhī sulgegā is meñ saarī hayāt

soch kar aag ye lagā mujh meñ

us kā ham-zād saath rakkhā 'sa.īd'

jab koī shaḳhs bhī marā mujh meñ

ibtida mujh mein intiha mujh mein

ek mukammal hai waqia mujh mein

bhul baiTha main paikar-e-KHaki

jab se rahta hai ek KHuda mujh mein

main ne miTTi se KHud ko bandh liya

jab bhari waqt ne hawa mujh mein

mere chaaron taraf hai sannaTa

aisi gunji hai ek sada mujh mein

main ne ashkon pe band kya bandha

ek sailab aa gaya mujh mein

meri tanhaiyon mein aane laga

DhunD kar rasta naya mujh mein

main ne us ki kabhi nahin mani

jo sada bolta raha mujh mein

Thahr jata hai har parinda yahan

ek jangal hai yun basa mujh mein

tu bhi sulgega is mein sari hayat

soch kar aag ye laga mujh mein

us ka ham-zad sath rakkha 'said'

jab koi shaKHs bhi mara mujh mein