ek fasana sun gae ek kah gae

Fani Badayuni

ek fasana sun gae ek kah gae

Fani Badayuni

MORE BY Fani Badayuni

    ik fasāna sun ga.e ik kah ga.e

    maiñ jo royā muskurā kar rah ga.e

    tire mohtāj haiñ ai ḳhūn-e-dil

    inhīñ āñkhoñ se dariyā bah ga.e

    maut un muñh taktī rah ga.ī

    jo tirī furqat ke sadme sah ga.e

    salāmat hai to ham ai dard-e-dil

    mar jā.eñge jo jiite rah ga.e

    phir kisī yaad ne taḌpā diyā

    phir kaleja thaam kar ham rah ga.e

    uTh ga.e duniyā se 'fānī' ahl-e-zauq

    ek ham marne ko zinda rah ga.e

    ek fasana sun gae ek kah gae

    main jo roya muskura kar rah gae

    ya tere mohtaj hain ai KHun-e-dil

    ya inhin aankhon se dariya bah gae

    maut un ka munh hi takti rah gai

    jo teri furqat ke sadme sah gae

    tu salamat hai to hum ai dard-e-dil

    mar hi jaenge jo jite rah gae

    phir kisi ki yaad ne taDpa diya

    phir kaleja tham kar hum rah gae

    uTh gae duniya se 'fani' ahl-e-zauq

    ek hum marne ko zinda rah gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY