is bagh mein wo sang ke qabil kaha na jae

Majrooh Sultanpuri

is bagh mein wo sang ke qabil kaha na jae

Majrooh Sultanpuri

MORE BY Majrooh Sultanpuri

    is baaġh meñ vo sañg ke qābil kahā na jaa.e

    jab tak kisī samar ko mirā dil kahā na jaa.e

    shāḳhoñ pe nok-e-teġh se kyā kyā khile haiñ phuul

    andāz-e-lāla-kārī-e-qātil kahā na jaa.e

    kis ke lahū ke rañg haiñ ye ḳhaar shoḳh-rañg

    kyā gul katar ga.ī rah-e-manzil kahā na jaa.e

    bārāñ ke muntazir haiñ samundar pe tishna-lab

    ahvāl-e-mezbānī-e-sāhil kahā na jaa.e

    mere sañg-o-ḳhisht se ta.amīr-e-bām-o-dar

    mere ghar ko shahr meñ shāmil kahā na jaa.e

    zindāñ khulā hai jab se hue haiñ rihā asiir

    har gaam hai vo shor-e-salāsil kahā na jaa.e

    ham ahl-e-ishq meñ nahīñ harf-e-gunah se kam

    vo harf-e-shauq jo sar-e-mahfil kahā na jaa.e

    jis haath meñ hai teġh-e-jafā us naam lo

    'majrūh' se to saa.e ko qātil kahā na jaa.e

    is bagh mein wo sang ke qabil kaha na jae

    jab tak kisi samar ko mera dil kaha na jae

    shaKHon pe nok-e-tegh se kya kya khile hain phul

    andaz-e-lala-kari-e-qatil kaha na jae

    kis ke lahu ke rang hain ye KHar shoKH-rang

    kya gul katar gai rah-e-manzil kaha na jae

    baran ke muntazir hain samundar pe tishna-lab

    ahwal-e-mezbani-e-sahil kaha na jae

    mere hi sang-o-KHisht se tamir-e-baam-o-dar

    mere hi ghar ko shahr mein shamil kaha na jae

    zindan khula hai jab se hue hain riha asir

    har gam hai wo shor-e-salasil kaha na jae

    hum ahl-e-ishq mein nahin harf-e-gunah se kam

    wo harf-e-shauq jo sar-e-mahfil kaha na jae

    jis hath mein hai tegh-e-jafa us ka nam lo

    'majruh' se to sae ko qatil kaha na jae

    Source:

    • Book : kulliyat-e- Majruuh sultanpuri (Pg. 149)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY