is se pahle ki sar utar jaen
is se pahle ki sar utar jaa.eñ
ham udāsī meñ rañg bhar jaa.eñ
zaḳhm murjhā rahe haiñ rishtoñ ke
ab uTheñ dostoñ ke ghar jaa.eñ
ġham kā sūraj to Dūbtā hī nahīñ
dhuup hī dhuup hai kidhar jaa.eñ
apnā ehsās ban gayā dushman
jab bhī chāhā ki zaḳhm bhar jaa.eñ
vaar chāroñ taraf se haiñ ham par
shāyad is mārke meñ sar jaa.eñ
sāmnā dushmanoñ se ho jab bhī
aap hañste hue guzar jaa.eñ
koī sūrat nikāliye 'dānish'
bastiyāñ ḳhushbuoñ se bhar jaa.eñ
is se pahle ki sar utar jaen
hum udasi mein rang bhar jaen
zaKHm murjha rahe hain rishton ke
ab uThen doston ke ghar jaen
gham ka suraj to Dubta hi nahin
dhup hi dhup hai kidhar jaen
apna ehsas ban gaya dushman
jab bhi chaha ki zaKHm bhar jaen
war chaaron taraf se hain hum par
shayad is marke mein sar jaen
samna dushmanon se ho jab bhi
aap hanste hue guzar jaen
koi surat nikaliye 'danish'
bastiyan KHushbuon se bhar jaen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
