ise bhi chhoDun use bhi chhoDun tumhein sabhi se hi masala hai?

ise bhī chhoḌūñ use bhī chhoḌūñ tumheñ sabhī se hī mas.ala hai?

mirī samajh se to bālā-tar hai ye pyaar hai yā muāhida hai

''jo tū nahīñ thī to aur bhī the jo tū na hogī to aur hoñge''

kisī ke dil ko jalā ke kahte ho merī jaañ ye muhāvara hai

ham aaj qaus-e-quzah ke mānind ek duuje pe khil rahe haiñ

mujhe to pahle se lag rahā thā ye āsmānoñ kā silsila hai

vo apne apne tamām sāthī, tamām mahbūb le ke aa.eñ

to mere hāthoñ meñ haath de de hameñ bhī izn-e-mubāhla hai

are o jāo!! yuuñ sar na khāo!! hamārā us se muqābla kyaa?

na vo zahīn-o-fatīn yaaro na vo hasīñ hai na shā.era hai

ise bhi chhoDun use bhi chhoDun tumhein sabhi se hi masala hai?

meri samajh se to baala-tar hai ye pyar hai ya muahida hai

jo tu nahin thi to aur bhi the jo tu na hogi to aur honge

kisi ke dil ko jala ke kahte ho meri jaan ye muhawara hai

hum aaj qaus-e-quzah ke manind ek duje pe khil rahe hain

mujhe to pahle se lag raha tha ye aasmanon ka silsila hai

wo apne apne tamam sathi, tamam mahbub le ke aaen

to mere hathon mein hath de de hamein bhi izn-e-mubahla hai

are o jao!! yun sar na khao!! hamara us se muqabla kya?

na wo zahin-o-fatin yaro na wo hasin hai na shaera hai