itna Thahra hua mahaul badalna paD jae

Zafar Iqbal

itna Thahra hua mahaul badalna paD jae

Zafar Iqbal

MORE BY Zafar Iqbal

    itnā Thahrā huā māhaul badalnā paḌ jaa.e

    bāhar apne kināroñ se uchhalnā paḌ jaa.e

    itnā mānūs bhī hone zarūrat kyā thī

    kabhī is ḳhvāb se mumkin hai nikalnā paḌ jaa.e

    chhoḌ jaa.eñ jo tumhāre sabhī hote sote

    aur kabhī saath hamāre tumheñ chalnā paḌ jaa.e

    duur se dekh ke ham jis ko Darā karte haiñ

    kyā maza ho jo isī aag meñ jalnā paḌ jaa.e

    kyā ḳhabar jis yahāñ itnā uḌāte haiñ mazāq

    ḳhud hameñ bhī kabhī is rañg meñ Dhalnā paḌ jaa.e

    dil ye āb-o-havā itnī muḳhālif hai agar

    aur inhī mausamoñ meñ phūlnā-phalnā paḌ jaa.e

    kaun kah saktā hai badle hue āsār ke saath

    dekhā-dekhī tabī.at ko sambhalnā paḌ jaa.e

    e'tibār ek dafa aur bhī karte hue phir

    inheñ va.adoñ ke khilaunoñ se bahalnā paḌ jaa.e

    sho.ala majbūr ho dariyā pe machalne ko 'zafar'

    kisī din dasht se chashme ko ubalnā paḌ jaa.e

    itna Thahra hua mahaul badalna paD jae

    bahar apne hi kinaron se uchhalna paD jae

    itna manus bhi hone ki zarurat kya thi

    kabhi is KHwab se mumkin hai nikalna paD jae

    chhoD jaen jo tumhaare sabhi hote sote

    aur kabhi sath hamare tumhein chalna paD jae

    dur se dekh ke hum jis ko Dara karte hain

    kya maza ho jo isi aag mein jalna paD jae

    kya KHabar jis ka yahan itna uDate hain mazaq

    KHud hamein bhi kabhi is rang mein Dhalna paD jae

    dil ki ye aab-o-hawa itni muKHalif hai agar

    aur inhi mausamon mein phulna-phalna paD jae

    kaun kah sakta hai badle hue aasar ke sath

    dekha-dekhi hi tabiat ko sambhalna paD jae

    e'tibar ek dafa aur bhi karte hue phir

    inhen wadon ke khilaunon se bahalna paD jae

    shoala majbur ho dariya pe machalne ko 'zafar'

    kisi din dasht se chashme ko ubalna paD jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites