jaan-o-dil hain udas se mere

Meer Hasan

jaan-o-dil hain udas se mere

Meer Hasan

MORE BYMeer Hasan

    jān-o-dil haiñ udaas se mere

    uTh gayā kaun paas se mere

    koī bhī ab umiid baaqī hai

    pūchhiyo dāġh-e-yās se mere

    sab arzī se ḳhush ho tum lekin

    ho ḳhafā iltimās se mere

    shāyad uThne qasd tum ne kiyā

    uḌ chale kuchh havās se mere

    aish mujh tak to pahuñche tab jo Tale

    fauj-e-ġham ās-pās se mere

    duur duur phirte haiñ kuchh baḳht

    ab to ummīd-o-yās se mere

    kyā maiñ Thahrā.ūñ us ko dil meñ 'hasan'

    hai vo bāhar qayās se mere

    jaan-o-dil hain udas se mere

    uTh gaya kaun pas se mere

    koi bhi ab umid baqi hai

    puchhiyo dagh-e-yas se mere

    sab ki arzi se KHush ho tum lekin

    ho KHafa iltimas se mere

    shayad uThne ka qasd tum ne kiya

    uD chale kuchh hawas se mere

    aish mujh tak to pahunche tab jo Tale

    fauj-e-gham aas-pas se mere

    dur hi dur phirte hain kuchh baKHt

    ab to ummid-o-yas se mere

    kya main Thahraun us ko dil mein 'hasan'

    hai wo bahar qayas se mere

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY