kaam itni hi faqat rahguzar aaegi

Sabir Zafar

kaam itni hi faqat rahguzar aaegi

Sabir Zafar

MORE BYSabir Zafar

    kaam itnī faqat rāhguzar aa.egī

    ham-safar jā.egā aur yād-e-safar aa.egī

    duur tak ek ḳhalā hai so ḳhalā ke andar

    sirf tanhā.ī sūrat nazar aa.egī

    maiñ ne sochā thā magar ye to nahīñ sochā thā

    tīrgī ruuh ke āñgan meñ utar aa.egī

    jāgne vaalā koī soyā hamesha ke liye

    ab to mātam karegī jo sahar aa.egī

    ik ajab bū-e-nafas aatī hai dīvāroñ se

    aur kuchh roz meñ ye bhī na idhar aa.egī

    haa.e kyā log the zindāñ meñ bhī ham se pahle

    ik din is yaad sūrat bhī bikhar aa.egī

    paḌh rahā huuñ maiñ 'zafar' us ke bichhaḌne ḳhabar

    aur kuchh roz meñ apnī bhī ḳhabar aa.egī

    kaam itni hi faqat rahguzar aaegi

    ham-safar jaega aur yaad-e-safar aaegi

    dur tak ek KHala hai so KHala ke andar

    sirf tanhai ki surat hi nazar aaegi

    main ne socha tha magar ye to nahin socha tha

    tirgi ruh ke aangan mein utar aaegi

    jagne wala koi soya hamesha ke liye

    ab to matam hi karegi jo sahar aaegi

    ek ajab bu-e-nafas aati hai diwaron se

    aur kuchh roz mein ye bhi na idhar aaegi

    hae kya log the zindan mein bhi hum se pahle

    ek din is yaad ki surat bhi bikhar aaegi

    paDh raha hun main 'zafar' us ke bichhaDne ki KHabar

    aur kuchh roz mein apni bhi KHabar aaegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY