kahin aankhen kahin bazu kahin se sar nikal aae

kahīñ āñkheñ kahīñ baazū kahīñ se sar nikal aa.e

añdherā phailte hī har taraf se Dar nikal aa.e

hue haiñ khokhle ham log hijrat meñ so Darte haiñ

ḳhalā ye ruuh kā aisā na ho bāhar nikal aa.e

ye lagtā hai ki pattoñ pe rakhī thiiñ muntazir āñkheñ

mire aate hī kitne phuul shāḳhoñ par nikal aa.e

na jaane khol de kab koī lamha yaad kī gaThrī

kisī kone se maazī kā hasīñ manzar nikal aa.e

mire hoñToñ pe bikhrā ye tabassum Dhaal hai merī

ki jaane kab udāsī kā kahīñ ḳhanjar nikal aa.e

gire haiñ jitne aañsū dāman-e-sahrā meñ sadiyoñ se

sulagtī ret bhī andar se shāyad tar nikal aa.e

kahin aankhen kahin bazu kahin se sar nikal aae

andhera phailte hi har taraf se Dar nikal aae

hue hain khokhle hum log hijrat mein so Darte hain

KHala ye ruh ka aisa na ho bahar nikal aae

ye lagta hai ki patton pe rakhi thin muntazir aankhen

mere aate hi kitne phul shaKHon par nikal aae

na jaane khol de kab koi lamha yaad ki gaThri

kisi kone se mazi ka hasin manzar nikal aae

mere honTon pe bikhra ye tabassum Dhaal hai meri

ki jaane kab udasi ka kahin KHanjar nikal aae

gire hain jitne aansu daman-e-sahra mein sadiyon se

sulagti ret bhi andar se shayad tar nikal aae