aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

karen hijrat to KHak-e-shahr bhi juz-dan mein rakh len

Iqbal Kausar

karen hijrat to KHak-e-shahr bhi juz-dan mein rakh len

Iqbal Kausar

MORE BYIqbal Kausar

    kareñ hijrat to ḳhāk-e-shahr bhī juz-dān meñ rakh leñ

    chaleñ ghar se to ghar kyā yaad bhī sāmān meñ rakh leñ

    hamārā kyā ki gul ko noch kar takrīm bhī de deñ

    sahīfe meñ sajā deñ kisī gul-dān meñ rakh leñ

    ziyān-e-dil is bāzār meñ sūd-e-mohabbat hai

    yahāñ hai fā.eda ḳhud ko agar nuqsān meñ rakh leñ

    bahut tarsī hai duniyā tere hashr-e-rū-numā.ī ko

    batā ab ye talab ham aur kis imkān meñ rakh leñ

    hamārā kufr ye hai harf aatā ho jahāñ tujh par

    hamīñ to haiñ jo terī aabrū īmān meñ rakh leñ

    amaañ ek sūrat hai ab is be-yaqīnī meñ

    parind-e-ġhār! ham bhī jaan terī jaan meñ rakh leñ

    Dhale jab tak na shab ham kaaḌh kar ik sham.a lau se

    tulū-e-sub.h manzar na raushan-dān meñ rakh leñ?

    karen hijrat to KHak-e-shahr bhi juz-dan mein rakh len

    chalen ghar se to ghar kya yaad bhi saman mein rakh len

    hamara kya ki gul ko noch kar takrim bhi de den

    sahife mein saja den ya kisi gul-dan mein rakh len

    ziyan-e-dil hi is bazar mein sud-e-mohabbat hai

    yahan hai faeda KHud ko agar nuqsan mein rakh len

    bahut tarsi hai duniya tere hashr-e-ru-numai ko

    bata ab ye talab hum aur kis imkan mein rakh len

    hamara kufr ye hai harf aata ho jahan tujh par

    hamin to hain jo teri aabru iman mein rakh len

    aman ki ek hi surat hai ab is be-yaqini mein

    parind-e-ghaar! hum bhi jaan teri jaan mein rakh len

    Dhale jab tak na shab hum kaDh kar ek shama ki lau se

    tulu-e-subh ka manzar na raushan-dan mein rakh len?

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now