kashti rahi bhanwar mein kinara nahin mila

kashtī rahī bhañvar meñ kinārā nahīñ milā

ulfat ke rāste meñ sahārā nahīñ milā

rāh-e-vafā meñ ham ko mile haiñ 'adū bahut

lekin koī bhī yaar hamārā nahīñ milā

dil ko ġham-e-firāq bhulāne ke vāste

iz.hār ke sivā koī chārā nahīñ milā

tum se huā hai qat'-e-ta'alluq to is ke baa'd

saare jahāñ meñ saanī tumhārā nahīñ milā

har she'r mujh ko ḳhūn-e-jigar ke 'evaz milā

ye fan kisī ke dar se udhārā nahīñ milā

paiġhām-e-‘ishq shahr-e-‘adāvat meñ rā.egāñ

ho jis ko aaj 'ishq gavārā nahīñ milā

māyūs ho na 'zain' ki aisā nahīñ koī

jis ko mohabbatoñ meñ ḳhasārā nahīñ milā

kashti rahi bhanwar mein kinara nahin mila

ulfat ke raste mein sahaara nahin mila

rah-e-wafa mein hum ko mile hain 'adu bahut

lekin koi bhi yar hamara nahin mila

dil ko gham-e-firaq bhulane ke waste

izhaar ke siwa koi chaara nahin mila

tum se hua hai qat'-e-ta'alluq to is ke ba'd

sare jahan mein sani tumhaara nahin mila

har she'r mujh ko KHun-e-jigar ke 'ewaz mila

ye fan kisi ke dar se udhaara nahin mila

paigham-e-‘ishq shahr-e-‘adawat mein raegan

ho jis ko aaj 'ishq gawara nahin mila

mayus ho na 'zain' ki aisa nahin koi

jis ko mohabbaton mein KHasara nahin mila