ḳhvāb meñ terī shakl samo nahīñ saktā maiñ
isī liye to shāyad so nahīñ saktā maiñ
maiñ to apne āñsuoñ se sharminda huuñ
terī aañkh ke aañsū ro nahīñ saktā maiñ
hadd-e-nazar tak ret hī ret hai āñkhoñ meñ
ab is ret meñ phuul to bo nahīñ saktā maiñ
maiñ bhī tere jaisā honā chāhtā huuñ
lekin ab dariyā to ho nahīñ saktā maiñ
dil par terī chup se lagne vaalā daaġh
aisā daaġh hai jis ko dho nahīñ saktā maiñ
KHwab mein teri shakl samo nahin sakta main
isi liye to shayad so nahin sakta main
main to apne aansuon se sharminda hun
teri aankh ke aansu ro nahin sakta main
hadd-e-nazar tak ret hi ret hai aankhon mein
ab is ret mein phul to bo nahin sakta main
main bhi tere jaisa hona chahta hun
lekin ab dariya to ho nahin sakta main
dil par teri chup se lagne wala dagh
aisa dagh hai jis ko dho nahin sakta main
Source:
Beesveen Sadi Ki Behtareen Ishqiya Ghazlen (Pg. 218)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.