kisi ke sath ab saya nahin hai
kisī ke saath ab saaya nahīñ hai
koī bhī aadmī puurā nahīñ hai
mire andar jo andesha nahīñ hai
to kyā merā koī apnā nahīñ hai
koī patta kahīñ parda nahīñ hai
to kyā ab dasht meñ dariyā nahīñ hai
to kyā ab kuchh bhī dar-parda nahīñ hai
ye jañgal hai to kyuuñ ḳhatra nahīñ hai
kahāñ jaatī haiñ bārish kī duā.eñ
shajar par ek bhī patta nahīñ hai
daraḳhtoñ par sabhī phal haiñ salāmat
parinda kyuuñ koī Thahrā nahīñ hai
khulā hai phuul har gamle meñ lekin
koī chehra tar-o-tāza nahīñ hai
dhuāñ hī hai faqat gaaḌī ke pīchhe
yahāñ kyā ek bhī bachcha nahīñ hai
samajhnā hai to dīvāroñ se samjho
hamāre shahr meñ kyā kyā nahīñ hai
kisi ke sath ab saya nahin hai
koi bhi aadmi pura nahin hai
mere andar jo andesha nahin hai
to kya mera koi apna nahin hai
koi patta kahin parda nahin hai
to kya ab dasht mein dariya nahin hai
to kya ab kuchh bhi dar-parda nahin hai
ye jangal hai to kyun KHatra nahin hai
kahan jati hain barish ki duaen
shajar par ek bhi patta nahin hai
daraKHton par sabhi phal hain salamat
parinda kyun koi Thahra nahin hai
khula hai phul har gamle mein lekin
koi chehra tar-o-taza nahin hai
dhuan hi hai faqat gaDi ke pichhe
yahan kya ek bhi bachcha nahin hai
samajhna hai to diwaron se samjho
hamare shahr mein kya kya nahin hai
Source:
Rasta Ye Kahin Nahin Jata (Pg. 52)
- Author: Sheen Kaaf Nizam
-
- Edition: 2010
- Publisher: Vagdevi Publication
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
