kuchh nahin samjha hun itna muKHtasar paigham tha

Zafar Iqbal

kuchh nahin samjha hun itna muKHtasar paigham tha

Zafar Iqbal

MORE BYZafar Iqbal

    kuchh nahīñ samjhā huuñ itnā muḳhtasar paiġhām thā

    kyā havā thī jis havā ke haath par paiġhām thā

    us ko aanā thā ki vo mujh ko bulātā thā kahīñ

    raat bhar bārish thī us raat bhar paiġhām thā

    lene vaalā koī baaqī nahīñ thā shahr meñ

    varna to us shaam koī dar-ba-dar paiġhām thā

    muntazir thī jaise ḳhud tinkā tinkā aarzū

    ḳhār-o-ḳhas ke vāste goyā sharar paiġhām thā

    kyā musāfir the ki the ranj-e-safar se be-niyāz

    aane jaane ke liye ik rah-guzar paiġhām thā

    koī kāġhaz ek maile se lifāfe meñ thā band

    khol kar dekhā to us meñ sar-ba-sar paiġhām thā

    har qadam par rāstoñ ke rañg the bikhre hue

    chalne vāloñ ke liye apnā safar paiġhām thā

    kuchh sifat us meñ parindoñ aur pattoñ bhī thī

    kitnī shādābī thī aur kaisā shajar paiġhām thā

    aur to laayā na thā paiġhām saath apne 'zafar'

    jo bhī thā us yahī aib o hunar paiġhām thā

    kuchh nahin samjha hun itna muKHtasar paigham tha

    kya hawa thi jis hawa ke hath par paigham tha

    us ko aana tha ki wo mujh ko bulata tha kahin

    raat bhar barish thi us ka raat bhar paigham tha

    lene wala hi koi baqi nahin tha shahr mein

    warna to us sham koi dar-ba-dar paigham tha

    muntazir thi jaise KHud hi tinka tinka aarzu

    KHar-o-KHas ke waste goya sharar paigham tha

    kya musafir the ki the ranj-e-safar se be-niyaz

    aane jaane ke liye ek rah-guzar paigham tha

    koi kaghaz ek maile se lifafe mein tha band

    khol kar dekha to us mein sar-ba-sar paigham tha

    har qadam par raston ke rang the bikhre hue

    chalne walon ke liye apna safar paigham tha

    kuchh sifat us mein parindon aur patton ki bhi thi

    kitni shadabi thi aur kaisa shajar paigham tha

    aur to laya na tha paigham sath apne 'zafar'

    jo bhi tha us ka yahi aib o hunar paigham tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY