kya raat kaTi apni ulajhte hue jaan se

kyā raat kaTī apnī ulajhte hue jaañ se

phir niind bhī aatī hai kahāñ shor-e-sagāñ se

ai ishq girah khol to ab merī zabāñ kī

karnī hai mujhe baat zarā ham-nafasāñ se

chupke se mire dil ne kahā kaan meñ kal shab

yuuñ haath uThātā hai koī ishq-e-butāñ se

vo ābla-pā.ī ko mirī dekh ke bolā

dīvāne zarā phuuT bhī kuchh apnī zabāñ se

maiñ terā paḌosī huuñ miyāñ qais chaleñ saath

sahrā tirā kuchh duur nahīñ mere makāñ se

ābād hai is dil kā jahāñ jis ke qadam se

vo mujh ko pukāre hai kisī aur jahāñ se

phir lauT ke aayā na tirī tarah mire paas

vo tiir jo niklā thā kabhī merī kamāñ se

kya raat kaTi apni ulajhte hue jaan se

phir nind bhi aati hai kahan shor-e-sagan se

ai ishq girah khol to ab meri zaban ki

karni hai mujhe baat zara ham-nafasan se

chupke se mere dil ne kaha kan mein kal shab

yun hath uThata hai koi ishq-e-butan se

wo aabla-pai ko meri dekh ke bola

diwane zara phuT bhi kuchh apni zaban se

main tera paDosi hun miyan qais chalen sath

sahra tera kuchh dur nahin mere makan se

aabaad hai is dil ka jahan jis ke qadam se

wo mujh ko pukare hai kisi aur jahan se

phir lauT ke aaya na teri tarah mere pas

wo tir jo nikla tha kabhi meri kaman se