kyun DhunDhti rahti hun use sare jahan mein

Saba Nusrat

kyun DhunDhti rahti hun use sare jahan mein

Saba Nusrat

MORE BYSaba Nusrat

    kyuuñ DhūñDhtī rahtī huuñ use saare jahāñ meñ

    vo shaḳhs ki rahtā hai mire dil ke makāñ meñ

    maiñ vo nahīñ kahte haiñ jo kuchh aur kareñ aur

    jo kuchh hai mire dil meñ vahī mere bayāñ meñ

    yā-rab tirī rahmat jo kabhī josh meñ aa.e

    maiñ soch bhī pā.ūñ na kabhī vahm-o-gumāñ meñ

    kyā zikr ki is ziist meñ kuchh khoyā ki paayā

    ab kuchh bhī to rakkhā nahīñ is suud o ziyāñ meñ

    masrūf huuñ itnī ki tavajjoh nahīñ detī

    detā hai sadā koī mujhe qarya-e-jāñ meñ

    vo sañg kabhī mom sūrat bane 'nusrat'

    ab itnā asar lā.ūñ kahāñ apnī zabāñ meñ

    kyun DhunDhti rahti hun use sare jahan mein

    wo shaKHs ki rahta hai mere dil ke makan mein

    main wo nahin kahte hain jo kuchh aur karen aur

    jo kuchh hai mere dil mein wahi mere bayan mein

    ya-rab teri rahmat jo kabhi josh mein aae

    main soch bhi paun na kabhi wahm-o-guman mein

    kya zikr ki is zist mein kuchh khoya ki paya

    ab kuchh bhi to rakkha nahin is sud o ziyan mein

    masruf hun itni ki tawajjoh nahin deti

    deta hai sada koi mujhe qarya-e-jaan mein

    wo sang kabhi mom ki surat bane 'nusrat'

    ab itna asar laun kahan apni zaban mein

    Source :
    • Book : Urdu Gazal ka Magribi Daricha (Pg. 107)
    • Author : Dr. Jawaz Jafri
    • Publication : Kitab Saray, Lahore (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY