kyuuñ sā rahtā hai kyā sā rahtā hai
dil jo khoyā huā sā rahtā hai
ek sanāhaTe kā siine meñ
bhāgnā dauḌnā sā rahtā hai
maiñ kahīñ aa.uuñ maiñ kahīñ jā.ūñ
vaqt jaise rukā sā rahtā hai
sub.h kā dil kahīñ nahīñ lagtā
shaam kā dam ghuTā sā rahtā hai
dil ke aane kā dil ke jaane kā
ek dhaḌkā lagā sā rahtā hai
ai ḳhalish bol kyā yahī hai ḳhudā
ye jo dil meñ ḳhalā sā rahtā hai
kun hai darkār us ke hone ko
kaam vo jo zarā sā rahtā hai
kyun sa rahta hai kya sa rahta hai
dil jo khoya hua sa rahta hai
ek sanahaTe ka sine mein
bhagna dauDna sa rahta hai
main kahin aaun main kahin jaun
waqt jaise ruka sa rahta hai
subh ka dil kahin nahin lagta
sham ka dam ghuTa sa rahta hai
dil ke aane ka dil ke jaane ka
ek dhaDka laga sa rahta hai
ai KHalish bol kya yahi hai KHuda
ye jo dil mein KHala sa rahta hai
kun hai darkar us ke hone ko
kaam wo jo zara sa rahta hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.