main apni zat mein jab se sitara hone laga

maiñ apnī zaat meñ jab se sitārā hone lagā

phir ik charāġh se merā guzārā hone lagā

mirī chamak ke nazāre ko chāhiye kuchh aur

maiñ aa.ine pe kahāñ āshkārā hone lagā

ye kaisī barf se us ne bhigo diyā hai mujhe

pahāḌ jaisā mirā jism gaarā hone lagā

zamīñ se maiñ ne abhī eḌiyāñ uThā.ī thiiñ

ki āsmān kā mujh ko nazāra hone lagā

ajiib sūr-e-sarāfīl us ne phūñk diyā

pahāḌ apnī jagah paara paara hone lagā

maiñ ek ishq meñ nākām kyā huā 'gauhar'

har ek kaam meñ mujh ko ḳhasārā hone lagā

main apni zat mein jab se sitara hone laga

phir ek charagh se mera guzara hone laga

meri chamak ke nazare ko chahiye kuchh aur

main aaine pe kahan aashkara hone laga

ye kaisi barf se us ne bhigo diya hai mujhe

pahaD jaisa mera jism gara hone laga

zamin se main ne abhi eDiyan uThai thin

ki aasman ka mujh ko nazara hone laga

ajib sur-e-sarafil us ne phunk diya

pahaD apni jagah para para hone laga

main ek ishq mein nakaam kya hua 'gauhar'

har ek kaam mein mujh ko KHasara hone laga