main hun KHamosh magar bol raha hai mujh mein
maiñ huuñ ḳhāmosh magar bol rahā hai mujh meñ
aisā lagtā hai koī aur chhupā hai mujh meñ
mujh se dillī kī nahīñ dil kī kahānī suniye
shahr to ye bhī ka.ī baar luTā hai mujh meñ
tujh ko chāhat hai vafā kī to mujhe ġhaur se paḌh
vo kitāboñ meñ kahāñ hai jo likhā hai mujh meñ
muskurātā huā maqtal se guzar aayā huuñ
zindagī terī koī ḳhaas adā hai mujh meñ
ye alag baat ki alfāz haiñ mere lekin
sach to bas ye hai ki terī hī sadā hai mujh meñ
mere sheroñ se bikhar sakte haiñ us ke gesū
terā andāz bhī ai bād-e-sabā hai mujh meñ
laakh ḳhāmosh sahī saarī fazā.eñ 'mansūr'
bolne vaalā magar bol rahā hai mujh meñ
main hun KHamosh magar bol raha hai mujh mein
aisa lagta hai koi aur chhupa hai mujh mein
mujh se dilli ki nahin dil ki kahani suniye
shahr to ye bhi kai bar luTa hai mujh mein
tujh ko chahat hai wafa ki to mujhe ghaur se paDh
wo kitabon mein kahan hai jo likha hai mujh mein
muskuraata hua maqtal se guzar aaya hun
zindagi teri koi KHas ada hai mujh mein
ye alag baat ki alfaz hain mere lekin
sach to bas ye hai ki teri hi sada hai mujh mein
mere sheron se bikhar sakte hain us ke gesu
tera andaz bhi ai baad-e-saba hai mujh mein
lakh KHamosh sahi sari fazaen 'mansur'
bolne wala magar bol raha hai mujh mein
Source:
Kashmakash (Pg. 114)
- Author: Mansoor Usmani
-
- Edition: 2007
- Publisher: Najma House, Baradari, Moradabad
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
