mera faKHr-e-hayati aaj bhi kirdar hai mera

mirā faḳhr-e-hayātī aaj bhī kirdār hai merā

isī nag se muzayyan turra-e-dastār hai merā

koī pūchhe to yuuñ bantā hai jaise yaar hai merā

vo us pal mujh ko bhī lagtā gale kā haar hai merā

samundar meñ utar kar farsh tak jaanā zarūrī hai

tumheñ ma.alūm hogā kitnā gahrā pyaar hai merā

abhī phūloñ ke chehroñ par tabassum aa.egā kaise

abhī māyūsiyoñ meñ mubtalā gulzār hai merā

mujhe pahchānñe vaale bahut kuchh pūchh sakte haiñ

baḌī muddat huī chhūTā huā bāzār hai merā

mirī sohbat-pasandī kam huī hai jāntā huuñ maiñ

abhī bhī zaḳhm-e-tanhā.ī magar nā-chār hai merā

mera faKHr-e-hayati aaj bhi kirdar hai mera

isi nag se muzayyan turra-e-dastar hai mera

koi puchhe to yun banta hai jaise yar hai mera

wo us pal mujh ko bhi lagta gale ka haar hai mera

samundar mein utar kar farsh tak jaana zaruri hai

tumhein malum hoga kitna gahra pyar hai mera

abhi phulon ke chehron par tabassum aaega kaise

abhi mayusiyon mein mubtala gulzar hai mera

mujhe pahchanne wale bahut kuchh puchh sakte hain

baDi muddat hui chhuTa hua bazar hai mera

meri sohbat-pasandi kam hui hai jaanta hun main

abhi bhi zaKHm-e-tanhai magar na-chaar hai mera