mere wajud ko pamal karna chahta hai

Waqar Manvi

mere wajud ko pamal karna chahta hai

Waqar Manvi

MORE BYWaqar Manvi

    mire vajūd ko pāmāl karnā chāhtā hai

    jo hādsa hai mujhī par guzarnā chāhtā hai

    vo jumbish apne laboñ ko na de ye baat alag

    adā adā se magar baat karnā chāhtā hai

    kamāñ se chāhe na nikle kisī tīr-e-nazar

    magar ye lagtā hai dil meñ utarnā chāhtā hai

    gumāñ ye hotā hai tasvīr dekh kar terī

    ki aks se tirā paikar ubharnā chāhtā hai

    ḳhushā ye zaḳhm zahe lazzat-e-namak-pāshī

    kured letā huuñ jab zaḳhm bharnā chāhtā hai

    ġharīb ko havas-e-zindagī nahīñ hotī

    bas itnā hai ki vo izzat se marnā chāhtā hai

    maiñ zindagī ko liye phir rahā huuñ kab se 'vaqār'

    ye bojh ab mire sar se utarnā chāhtā hai

    mere wajud ko pamal karna chahta hai

    jo hadsa hai mujhi par guzarna chahta hai

    wo jumbish apne labon ko na de ye baat alag

    ada ada se magar baat karna chahta hai

    kaman se chahe na nikle kisi ka tir-e-nazar

    magar ye lagta hai dil mein utarna chahta hai

    guman ye hota hai taswir dekh kar teri

    ki aks se tera paikar ubharna chahta hai

    KHusha ye zaKHm zahe lazzat-e-namak-pashi

    kured leta hun jab zaKHm bharna chahta hai

    gharib ko hawas-e-zindagi nahin hoti

    bas itna hai ki wo izzat se marna chahta hai

    main zindagi ko liye phir raha hun kab se 'waqar'

    ye bojh ab mere sar se utarna chahta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY