mujh sa anjaan kisi moD pe kho sakta hai
mujh sā anjān kisī moḌ pe kho saktā hai
hādsa koī bhī is shahr meñ ho saktā hai
sat.h-e-dariyā kā ye saffāk sukūñ hai dhokā
ye tirī naav kisī vaqt Dubo saktā hai
ḳhud kuaañ chal ke kare tishna-dahānoñ ko ġharīq
aisā mumkin hai mirī jaan ye ho saktā hai
be-tarah gūñjtā hai ruuh ke sannāTe meñ
aise sahrā meñ musāfir kahāñ so saktā hai
qatl se haath uThātā nahīñ qātil na sahī
ḳhuun se luThḌe hue haath to dho saktā hai
jhuum kar uThtā nahīñ khul ke barasnā kaisā
kaisā bādal hai ki hañstā hai na ro saktā hai
juz mire rishta-e-anfās-e-girah-gīr meñ kaun
guhar-e-ashk-e-sharar-bār piro saktā hai
mujh sa anjaan kisi moD pe kho sakta hai
hadsa koi bhi is shahr mein ho sakta hai
sath-e-dariya ka ye saffak sukun hai dhoka
ye teri naw kisi waqt Dubo sakta hai
KHud kuan chal ke kare tishna-dahanon ko ghariq
aisa mumkin hai meri jaan ye ho sakta hai
be-tarah gunjta hai ruh ke sannaTe mein
aise sahra mein musafir kahan so sakta hai
qatl se hath uThata nahin qatil na sahi
KHun se luThDe hue hath to dho sakta hai
jhum kar uThta nahin khul ke barasna kaisa
kaisa baadal hai ki hansta hai na ro sakta hai
juz mere rishta-e-anfas-e-girah-gir mein kaun
guhar-e-ashk-e-sharar-bar piro sakta hai
Source:
Shakh-e-Zaryab (Pg. 73)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
