mujhse baDa hai mera haal

mujh se baḌā hai merā haal

tujh se chhūTā terā ḳhayāl

chaar pahar kī hai ye raat

aur judā.ī ke sau saal

haath uThā kar dil par se

āñkhoñ par rakkhā rumāl

nañg hai takiyedāroñ kā

pā-e-talab yā dast-e-savāl

man jo kahtā hai mat sun

yā phir tan par miTTī Daal

ujlā ujlā terā ruup

dhundle dhundle ḳhadd-o-ḳhāl

sukh kī ḳhātir dukh mat bech

jaal ke pīchhe jaal na Daal

rāj-siñghāsan merā dil

aan birāje haiñ jagpāl

kis din ghar aayā 'jāved'

kab paayā hai us ko bahāl

mujh se baDa hai mera haal

tujh se chhuTa tera KHayal

chaar pahar ki hai ye raat

aur judai ke sau sal

hath uTha kar dil par se

aankhon par rakkha rumal

nang hai takiyedaron ka

pa-e-talab ya dast-e-sawal

man jo kahta hai mat sun

ya phir tan par miTTi Dal

ujla ujla tera rup

dhundle dhundle KHadd-o-KHal

sukh ki KHatir dukh mat bech

jal ke pichhe jal na Dal

raj-singhasan mera dil

aan biraje hain jagpal

kis din ghar aaya 'jawed'

kab paya hai us ko bahaal