mujhse pahle mere watire dekh

mujh se pahle mire vatīre dekh

jism hai ek chehre kitne dekh

sabz mausam bhī kyā hameñ degā

TūTte girte sabz patte dekh

be-amāñ shahr meñ amaañ kab tak

ruup dhāre khaḌe haiñ fitne dekh

qurbatoñ chāhatoñ ke qisse fuzūl

zaḳhm kitne lage haiñ gahre dekh

ab ye behtar hai dhuup hī oḌheñ

duur tak peḌ haiñ na saa.e dekh

maiñ akelā huuñ tū bhī tanhā hai

ham bhī kitne haiñ be-sahāre dekh

aa.ine pī liye haiñ chehroñ ne

ab tū har samt sirf chehre dekh

mujh se pahle mere watire dekh

jism hai ek chehre kitne dekh

sabz mausam bhi kya hamein dega

TuTte girte sabz patte dekh

be-aman shahr mein aman kab tak

rup dhaare khaDe hain fitne dekh

qurbaton chahaton ke qisse fuzul

zaKHm kitne lage hain gahre dekh

ab ye behtar hai dhup hi oDhen

dur tak peD hain na sae dekh

main akela hun tu bhi tanha hai

hum bhi kitne hain be-sahaare dekh

aaine pi liye hain chehron ne

ab tu har samt sirf chehre dekh