murjha ke kali jhil mein girte hue bhi dekh

Shakeb Jalali

murjha ke kali jhil mein girte hue bhi dekh

Shakeb Jalali

MORE BYShakeb Jalali

    murjhā ke kaalī jhiil meñ girte hue bhī dekh

    sūraj huuñ merā rañg magar din-Dhale bhī dekh

    kāġhaz katranoñ ko bhī kahte haiñ log phuul

    rañgoñ e'tibār kyā sūñgh ke bhī dekh

    har chand raakh ho ke bikharnā hai raah meñ

    jalte hue paroñ se uḌā huuñ mujhe bhī dekh

    dushman hai raat phir bhī hai din se milī huī

    sub.hoñ ke darmiyān haiñ jo fāsle bhī dekh

    aalam meñ jis dhuum thī us shāhkār par

    dīmak ne jo likhe kabhī vo tabsire bhī dekh

    ne kahā na thā ki maiñ kashtī pe bojh huuñ

    āñkhoñ ko ab na Dhāñp mujhe Dūbte bhī dekh

    us shikast ho na kahīñ terī bhī shikast

    ye aa.ina jo TuuT gayā hai ise bhī dekh

    barhana-pā nahīñ is jaltī ret par

    talvoñ meñ jo havā ke haiñ vo aable bhī dekh

    bichhtī thiiñ jis raah meñ phūloñ chādareñ

    ab us ḳhaak ghaas ke pairoñ-tale bhī dekh

    kyā shāḳh-e-bā-samar hai jo taktā hai farsh ko

    nazreñ uThā 'shakeb' kabhī sāmne bhī dekh

    murjha ke kali jhil mein girte hue bhi dekh

    suraj hun mera rang magar din-Dhale bhi dekh

    kaghaz ki katranon ko bhi kahte hain log phul

    rangon ka e'tibar hi kya sungh ke bhi dekh

    har chand rakh ho ke bikharna hai rah mein

    jalte hue paron se uDa hun mujhe bhi dekh

    dushman hai raat phir bhi hai din se mili hui

    subhon ke darmiyan hain jo fasle bhi dekh

    aalam mein jis ki dhum thi us shahkar par

    dimak ne jo likhe kabhi wo tabsire bhi dekh

    tu ne kaha na tha ki main kashti pe bojh hun

    aankhon ko ab na Dhanp mujhe Dubte bhi dekh

    us ki shikast ho na kahin teri bhi shikast

    ye aaina jo TuT gaya hai ise bhi dekh

    tu hi barhana-pa nahin is jalti ret par

    talwon mein jo hawa ke hain wo aable bhi dekh

    bichhti thin jis ki rah mein phulon ki chadaren

    ab us ki KHak ghas ke pairon-tale bhi dekh

    kya shaKH-e-ba-samar hai jo takta hai farsh ko

    nazren uTha 'shakeb' kabhi samne bhi dekh

    Videos
    This video is playing from YouTube

    Videos
    This video is playing from YouTube

    Unknown

    Unknown

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY