na hotī hāl-e-dil kahne kī gar himmat to achchhā thā
na sunet kaash vo sharh-e-ġham-e-ulfat to achchhā thā
mirī betābi-e-dil baḌh ga.ī hai al-amāñ kitnī
nikaltī gar na shauq-e-dīd kī hasrat to achchhā thā
vo rāhat-be-ziyāñ sābit huī kitnī hubāb-āsā
kabhī hotā na itmām-e-shab-e-furqat to achchhā thā
huā kyuuñ iltifāt un kā baḌhā kyuuñ hausla merā
nihāñ phūloñ meñ rahtī aah gar nik.hat to achchhā thā
tamannā hai fuzūñ hoñ shorisheñ jazb-e-mohabbat kī
dil-e-muztar kī baḌhtī aur bhī vahshat to achchhā thā
raheñ ġham kī sharar-añgeziyāñ yā-rab qayāmat tak
'hayā' ġham se na miltī gar kabhī fursat to achchhā thā
na hoti haal-e-dil kahne ki gar himmat to achchha tha
na sunet kash wo sharh-e-gham-e-ulfat to achchha tha
meri betabi-e-dil baDh gai hai al-aman kitni
nikalti gar na shauq-e-did ki hasrat to achchha tha
wo rahat-be-ziyan sabit hui kitni hubab-asa
kabhi hota na itmam-e-shab-e-furqat to achchha tha
hua kyun iltifat un ka baDha kyun hausla mera
nihan phulon mein rahti aah gar nikhat to achchha tha
tamanna hai fuzun hon shorishen jazb-e-mohabbat ki
dil-e-muztar ki baDhti aur bhi wahshat to achchha tha
rahen gham ki sharar-angeziyan ya-rab qayamat tak
'haya' gham se na milti gar kabhi fursat to achchha tha
Source:
Jadeed Shora-e-Urdu (Pg. 972)
-
Author:
Dr. Abdul Wahid
-
- Publisher: Feroz sons Printers Publishers and Stationers
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.