na jaane rabt-e-masarrat hai kis qadar gham se

na jaane rabt-e-masarrat hai kis qadar ġham se

ḳhabar ḳhushī ko milī bhī to chashm-e-pur-nam se

zabān kholiye ḳhalvat meñ be-hijābāna

chhupā.ī jaatī hai kab dil kī baat mahram se

kisī kī yaad meñ kyā kyā na ham pe biit ga.ī

jahāñ ne dī thī jo fursat zarā hameñ ġham se

shu.ūr-e-shāna-kashī dekhiye unheñ kab aa.e

mizāj-e-zīst hai vābasta zulf-e-barham se

fareb-e-dost na khāte to aur kyā karte

yahī to rasm chalī aa rahī hai aadam se

ye aaj kaun sī taqsīr ho ga.ī 'nāmī'

ki dost bhī to milāte nahīñ nazar ham se

na jaane rabt-e-masarrat hai kis qadar gham se

KHabar KHushi ko mili bhi to chashm-e-pur-nam se

zaban kholiye KHalwat mein be-hijabana

chhupai jati hai kab dil ki baat mahram se

kisi ki yaad mein kya kya na hum pe bit gai

jahan ne di thi jo fursat zara hamein gham se

shuur-e-shana-kashi dekhiye unhen kab aae

mizaj-e-zist hai wabasta zulf-e-barham se

fareb-e-dost na khate to aur kya karte

yahi to rasm chali aa rahi hai aadam se

ye aaj kaun si taqsir ho gai 'nami'

ki dost bhi to milate nahin nazar hum se