na koi dost dushman ho sharik-dard-o-gham mera

Chakbast Brij Narayan

na koi dost dushman ho sharik-dard-o-gham mera

Chakbast Brij Narayan

MORE BYChakbast Brij Narayan

    na koī dost dushman ho sharīk-dard-o-ġham merā

    salāmat merī gardan par rahe bār-e-alam merā

    likhā ye dāvar-e-mahshar ne merī fard-e-isyāñ par

    ye vo banda hai jis par naaz kartā hai karam merā

    kahā ġhuncha ne hañs kar vaah kyā nairañg-e-ālam hai

    vajūd gul jise samjhe haiñ sab hai vo adam merā

    kashākash hai ummīd-o-yās ye zindagī kyā hai

    ilāhī aisī hastī se to achchhā thā adam merā

    dil-e-ahbāb meñ ghar hai shagufta rahtī hai ḳhātir

    yahī jannat hai merī aur yahī bāġh-e-iram merā

    mujhe ahbāb pursish ġhairat maar Dālegī

    qayāmat hai agar ifshā huā rāz-e-alam merā

    khaḌī thiiñ rāsta roke hue lākhoñ tamannā.eñ

    shahīd-e-yās huuñ niklā hai kis mushkil se dam merā

    ḳhudā ne ilm baḳhshā hai adab ahbāb karte haiñ

    yahī daulat hai merī aur yahī jāh-o-hasham merā

    zabān-e-hāl se ye lucknow ḳhaak kahtī hai

    miTāyā gardish-e-aflāk ne jāh-o-hasham merā

    kiyā hai faash parda kufr-o-dīñ is qadar maiñ ne

    ki dushman hai barhaman aur adū shaiḳh-e-haram merā

    na koi dost dushman ho sharik-dard-o-gham mera

    salamat meri gardan par rahe bar-e-alam mera

    likha ye dawar-e-mahshar ne meri fard-e-isyan par

    ye wo banda hai jis par naz karta hai karam mera

    kaha ghuncha ne hans kar wah kya nairang-e-alam hai

    wajud gul jise samjhe hain sab hai wo adam mera

    kashakash hai ummid-o-yas ki ye zindagi kya hai

    ilahi aisi hasti se to achchha tha adam mera

    dil-e-ahbab mein ghar hai shagufta rahti hai KHatir

    yahi jannat hai meri aur yahi bagh-e-iram mera

    mujhe ahbab ki pursish ki ghairat mar Dalegi

    qayamat hai agar ifsha hua raaz-e-alam mera

    khaDi thin rasta roke hue lakhon tamannaen

    shahid-e-yas hun nikla hai kis mushkil se dam mera

    KHuda ne ilm baKHsha hai adab ahbab karte hain

    yahi daulat hai meri aur yahi jah-o-hasham mera

    zaban-e-haal se ye lucknow ki KHak kahti hai

    miTaya gardish-e-aflak ne jah-o-hasham mera

    kiya hai fash parda kufr-o-din ka is qadar main ne

    ki dushman hai barhaman aur adu shaiKH-e-haram mera

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY